بولی وڈ کی معروف اداکارہ ارچنا پورن سنگھ نے گزشتہ دنوں اپنی ایک وی لاگ میں انکشاف کیا ہے کہ وہ فلم کی شوٹنگ کے دوران زخمی ہو گئیں اور ان کے ہاتھ میں فریکچر ہو گیا۔
ارچنا نے اپنی وی لاگ میں بتایا کہ وہ اداکار راج کمار راؤ کے ساتھ اپنی آنے والی فلم کی شوٹنگ کے دوران زخمی ہوئیں۔ واقعے میں ان کی کلائی ٹوٹ گئی، جس کے بعد فوری طور پر انہیں ممبئی کے ایک اسپتال لے جایا گیا جہاں ان کی سرجری کی گئی۔وی لاگ میں یہ بھی دکھایا گیا کہ ارچنا شوٹنگ کے دوران سیٹ پر گر گئیں اور ان کی چیخیں سنائی دیں۔ جیسے ہی ان کی ٹیم کے ارکان نے یہ سنا، وہ فوراً ان کی مدد کے لیے جمع ہو گئے اور انہیں اسپتال پہنچایا۔ اس دوران ارچنا کے شوہر پرمیت سیٹھی کو بھی فوری طور پر اطلاع دی گئی۔
اسپتال پہنچنے کے بعد، ارچنا کے بیٹے آیوشمان سیٹھی نے اپنے بھائی آریامان سیٹھی کو واقعے کی اطلاع دی، ارچنا نے وی لاگ میں مزید بتایا کہ حادثے کے پہلے دن وہ اپنے خاندان کو اس واقعے کی ویڈیو بنانے کی اجازت نہیں دے رہی تھیں کیونکہ وہ بہت پریشان تھیں۔انہوں نے اپنے وی لاگ میں راج کمار راؤ کا ذکر بھی کیا اور بتایا کہ انہوں نے حادثے کے بعد شوٹنگ رک جانے پر راج کمار کو فون کیا اور اس بابت اپنی پریشانی کا اظہار کیا۔
وی لاگ کے اختتام پر، ارچنا کو اسپتال سے ڈسچارج ہوتے ہوئے اور اپنے شوہر اور بچوں سے ملتے ہوئے دکھایا گیا۔ انہوں نے کہا کہ اگرچہ وہ اب بہتر محسوس کر رہی ہیں، مگر ان کی ایک بڑی سرجری ہو چکی ہے۔ ارچنا نے کہا، "میں واپس جا کر شوٹنگ مکمل کروں گی، میں مکمل آستین والے کپڑے پہنوں گی اور اس طرح شوٹ کروں گی کہ کسی کو معلوم نہیں ہوگا کہ میں زخمی ہوں۔”ارچنا پورن سنگھ کی یہ جرات اور حوصلہ ان کے مداحوں کے لیے ایک بڑا سبق ہے، کیونکہ وہ ایک سنگین حادثے کے باوجود اپنے کام کی طرف لوٹنے کے لیے پرعزم ہیں۔
اسرائیل نے امدادی ایجنسی کو کام سے روک دیا،پاکستان کی مذمت
سندھ ہائیکورٹ کا بھکاریوں ،خواجہ سراؤں کے خلاف کارروائی کا حکم
