مزید دیکھیں

مقبول

9 مئی کے 13 مقدمات، فرد جرم کی تاریخ طے

9 مئی کے 13 مقدمات میں ملزمان میں...

‎یہ خاموشی کب تک؟تحریر:‎ڈاکٹر طاہرہ کاظمی

‎موسم گرما کی ایک ایسی دوپہر جب چیل...

دیپالپور: ڈپٹی کمشنر احمد عثمان جاوید کا اراضی ریکارڈ سینٹر کا دورہ

اوکاڑہ ،باغی ٹی وی( نامہ نگار ملک ظفر)دیپالپور میں...

لاہور، تیزگام ایکسپریس سے ایک شخص کی لاش برآمد

کراچی سے لاہور آنے والی تیزگام ایکسپریس کے واش...

بھارتی اقدامات امن کے لئے سنگین خطرہ ہیں، یوسف رضا گیلانی

چیئرمین سینیٹ یوسف رضا گیلانی نے بھارتی الزامات کو سختی سے رد کرتے ہوئے کہا ہے کہ بھارت کی جانب سے پاکستان پر لگائے گئے الزامات جھوٹ کا پلندہ ہیں اور یہ بدنیتی پر مبنی ہیں۔

ایک بیان میں انہوں نے کہا کہ بھارت اس وقت بوکھلاہٹ کا شکار ہے اور ان الزامات کا مقصد مقبوضہ کشمیر میں بھارتی فوج کی جانب سے ہونے والے مظالم سے عالمی برادری کی توجہ ہٹانا ہے۔یوسف رضا گیلانی نے مزید کہا کہ بھارت کے اقدامات خطے کے امن کے لیے ایک سنگین خطرہ ہیں اور عالمی برادری کو بھارت کے ان ہتھکنڈوں کا نوٹس لینا چاہیے۔ انہوں نے کہا کہ بھارت کا سندھ طاس معاہدے کی معطلی کا فیصلہ قابلِ مذمت ہے اور اس کا مقصد پاکستان کے آبی حقوق کو نقصان پہنچانا ہے۔انہوں نے یہ بھی کہا کہ بھارت کے یہ اقدامات نہ صرف پاکستان کے لیے بلکہ پورے خطے کے لیے نقصان دہ ہیں اور ان کے ذریعے بھارت نے ہمیشہ خطے کے امن کو داؤ پر لگایا ہے۔

یاد رہے کہ بھارت نے پاکستان کے خلاف آبی جارحیت کرتے ہوئے سندھ طاس معاہدہ فوری طور پر معطل کرنے کا اعلان کیا ہے، جس پر عالمی سطح پر تشویش کا اظہار کیا جا رہا ہے۔ اس معاہدے کے تحت پاکستان کو دریائے سندھ کے تین بڑے دریاؤں پر حقوق حاصل ہیں، جنہیں بھارت نے حالیہ برسوں میں مختلف بہانوں سے چیلنج کیا ہے۔چیئرمین سینیٹ کا کہنا ہے کہ پاکستان اپنے حقوق کے لیے ہر سطح پر آواز اٹھاتا رہے گا اور عالمی برادری کو بھارت کے غیر قانونی اقدامات کا محاسبہ کرنا چاہیے۔

ممتاز حیدر
ممتاز حیدرhttp://www.baaghitv.com
ممتاز حیدر اعوان ،2007 سے مختلف میڈیا اداروں سے وابستہ رہے ہیں، پرنٹ میڈیا میں رپورٹنگ سے لے کر نیوز ڈیسک، ایڈیٹوریل،میگزین سیکشن میں کام کر چکے ہیں، آجکل باغی ٹی وی کے ساتھ بطور ایڈیٹر کام کر رہے ہیں Follow @MumtaazAwan