بھارتی کرکٹ ٹیم کل صبح دہلی پہنچے گی

بھارتی میڈیا کے مطابق اںڈین کرکٹ ٹیم کل صبح دہلی پہنچے گی۔ آئی سی سی ٹی ٹوئنٹی ورلڈ کپ 2024 کی فاتح بھارتی ٹیم بارباڈوس سے خصوصی طیارے پر بھارت کے لیے روانہ ہو گئی۔ بھارتی ٹیم کے ساتھ 20 سے زائد صحافی بھی طیارے سے وطن واپس آرہے ہیں۔ بھارتی ٹیم براستہ دبئی دلی ایئرپورٹ پہنچے گی۔خیال رہے کہ بھارتی ٹیم فائنل کھیلنے کے بعد سمندری طوفان کے باعث ایئرپورٹ کی بندش کی وجہ سے بارباڈوس میں پھنس گئی تھی۔ بارباڈوس ایئرپورٹ سمندری طوفان کے پیشِ نظر بند کرنے کا اعلان کیا گیا تھا۔ہنگامی صورتحال کو مدِ نظر رکھتے ہوئے بھارتی کرکٹ بورڈ کے سیکرٹری جے شاہ نے اپنی فاتح ٹیم کے لیے خصوصی طیارے کا انتظام کیا تھا۔