بھارت میں بارود سے بھرے ٹرک کا دھماکہ، کئی علاقے لرز اٹھے،ہلاکتوں میں اضافے کا خدشہ

بھارت میں بارود سے بھرے ٹرک کا دھماکہ، کئی علاقے لرز اٹھے،ہلاکتوں میں اضافے کا خدشہ
باغی ٹی وی کی رپورٹ کے مطابق بھارتی ریاست کرناٹک کے شیوموگا ضلع میں ایک ٹرک میں دھماکہ ہوا ہے، جس کے نتیجے میں اب تک کم از کم 15 ہلاکتیں کنفرم ہو چکی ہیں، 15 لاشیں نکالی جا چکی ہیں ، دھماکہ کرناٹک کے شیوموگا کے ہونا ساڈو گاوں میں ہوا ہے۔

دھماکے کی اطلاع پر ریسکیو ادارے ،سیکورٹی ادارے موقع پر پہنچ گئے اور جائے وقوعہ کو گھیرے میں لے لیا، دھماکہ اتنا زوردار تھا کہ آس پاس کے کئی علاقوں کے گھروں اور دفتروں کے شیشے ٹوٹ گئے۔ دھماکہ کی وجہ سے علاقے کے سڑکوں پر دراڑ پڑ گئی اور سڑک ٹوٹ گئی۔ اطلاعات کے مطابق دھماکے میں ہلاک ہونے والوں کی تعداد میں اضافہ ہو سکتا ہے

شیوموگا کرناٹک کی راجدھانی بنگلورو سے تقریباً 350 کلو میٹر کے فاصلے پر پے۔ شیوموگا میں دھماکے پر بھارتی وزیر اعظم نریندر مودی نے افسوس کا اظہار کیا ہے

اطلاعات کے مطابق ٹرک کے ذریعے جو دھماکہ خیز مواد لے جایا جا رہا تھا اس کا استعمال مائننگ کے لئے کیا جاتا ہے۔ دھماکہ اتنا شدید تھا کہ قریب کے کئی علاقے لرز اٹھے

آکاش جین نے ٹویٹ کر کے یہ اطلاع دی کہ شموگا کے قریب ایک گاؤں میں دھماکہ ہوا ہے۔ مائننگ کے لئے لے کر جانے والے دھماکہ خیز مواد میں دھماکہ کے بعد کئی مزدوروں کے ہلاک ہونے کا خدشہ ہے۔ پولیس اہلکار نے بتایا زلزلہ نہیں آیا تھا بلکہ شموگا کے باہری علاقہ میں دیہات پولیس کے تحت حنسور میں دھماکہ ہوا ہے۔