بھارتی خبر رساں ادارے نے پاکستان کے خلاف پروپیگنڈہ شروع کر دیا، پاکستان کے بارے میں پروپیگنڈہ کرنے والا بھارتی خبر رساں اداہ پاکستانی شخصیات سے بھی بے خبر نکلا،حافظ عبدالروف کو مفتی عبدالروف بنا دیا،اس ضمن میں ایکس پر مارخور نامی اکاؤنٹ سے کہا گیا ہے کہ WION کی جانب سے عبدالروف اظہر اور حافظ عبدالروف کے درمیان فرق کو نظرانداز کر کے ان کے ناموں کو آپس میں ملایا گیا ہے۔ یہ عمل ملکی سالمیت اور فوج کے خلاف زہر پھیلانے کی کوشش ہے،
WION، ایک بھارتی خبر رساں ادارہ ہے جس نے ایک رپورٹ نشر کی جس میں عبدالروف اظہر اور حافظ عبدالروف کے بارے میں مبہم اور غلط معلومات فراہم کی گئیں۔ اس رپورٹ میں ان شخصیات کو ایک ہی فرد سمجھا گیا، جس سے پاکستان میں شدید غصہ پھیل گیا۔عبدالروف اظہر اورحافظ عبدالروف الگ الگ شخصیات ہیں،حافظ عبدالروف، جو ایک مذہبی اسکالر اور دینی امور پر گہری نظر رکھتے ہیں۔ ان دونوں شخصیات کا ایک دوسرے سے کوئی تعلق نہیں، لیکن WION نے ان کے ناموں کو غلط طریقے سے آپس میں جوڑ کر ایک جھوٹا تاثر دیا۔
https://x.com/MarkhorTweets/status/1920179391373443565
بھارتی خبر رساں ادارہ WION نے نہ صرف معلومات کو مسخ کیا ہے بلکہ اس کے ذریعے پاکستان کی فوج اور عوام کے خلاف بھی منفی تاثر قائم کرنے کی کوشش کی ہے۔ اس طرح کے جھوٹے پروپیگنڈے کو مزید برداشت نہیں کیا جائے گا۔کئی سوشل میڈیا صارفین نے اس رپورٹ کو "فیک نیوز” قرار دیتے ہوئے پاکستان کے خلاف اس طرح کی جھوٹ بولنے والوں کے خلاف سخت کارروائی کا مطالبہ کیا ہے۔
