چنئی: بھارت کی کرکٹ ٹیم کے بیٹر شبمن گل اسپتال داخل ،بھارتی بیٹر کی ورلڈ کپ میں پاکستان کے خلاف بھی میچ میں شرکت مشکوک ہو گئی-
باغی ٹی وی: بھارتی میڈیا کے مطابق ڈینگی بخار میں مبتلا شبمن گل کو اسپتال داخل کردیا گیا ہے، ان کے پلیٹیلیٹس کم ہونے کے بعد انہیں احتیاطی طور پر چنئی کے اسپتال میں داخل کیا گیا ہے شبمن گل کو پیر کے روز اسپتال میں داخل کیا گیا تھا، بھارتی کرکٹ بورڈ کا میڈیکل پینل مسلسل شبمن گل کی نگرانی کر رہا ہے،شبمن گل پاکستان کے خلاف میچ سے بھی باہر ہو سکتے ہیں، اگر وہ ٹھیک ہو جاتے ہیں تو وہ چنئی سےڈائریکٹ احمدآباد جائیں گےشبمن گل نے ڈینگی بخار کیوجہ سے آسٹریلیا کے خلاف میچ نہیں کھیلا تھااور وہ افغانستان کے خلاف میچ سے بھی باہر ہوچکے ہیں۔
پی ٹی آئی نیوز ایجنسی کے مطابق، شبمن گل کو منگل کی صبح چنئی کے ہسپتال سے علاج کے بعد فارغ کر دیا گیا شبمن گل ہوٹل واپس آئے جہاں بی سی سی آئی کی میڈیکل ٹیم اس کی نگرانی جاری رکھے گی۔
دھرم شالہ کی آؤٹ فیلڈ، انگلینڈ کے کپتان بھی مایوس
انڈیا کرکٹ بورڈ نے پیر کو اس بات کی تصدیق کی تھی کہ شبمن گل دہلی کے لیے روانہ نہیں ہوں گےاور وہ طبی ٹیم کی نگرانی میں رہیں گےبی سی سی آئی کے بیان میں کہا گیا ہے کہ وہ چنئی میں ہی رہیں گے اور میڈیکل ٹیم کی نگرانی میں رہیں گے۔
یاد رہے کہ بھارت کا مقابلہ 11 اکتوبر کو نئی دہلی میں افغانستان سے ہوگا جبکہ پاکستان اور بھارت کے درمیان میچ 14 اکتوبر کو احمد آباد میں شیڈول ہے۔
