ننکانہ :بھارتی سکھ یاتری بیساکھی میلہ کی تقریبات میں شرکت کے لیے آج پاکستان پہنچیں گے
ننکانہ صاحب باغی ٹی وی (نامہ نگار احسان اللہ ایاز )بھارتی سکھ یاتری بیساکھی میلہ کی تقریبات میں شرکت کے لیے اج پاکستان آئیں گے,بھارتی سکھ یاتری 9اپریل سے لیکر 18 اپریل تک قیام کریں گے ,بھارتی سکھ یاتری ننکانہ صاحب ,شیخوپورہ,اٹک,گوجرانوالہ,ناروال اور لاہور میں موجود گوردواروں میں اپنی مذہبی رسومات ادا کریں گے ,سیکورٹی سمیت قیام وطعام اور ٹرانسپورٹ کے انتظامات مکمل
تفصیلات کے مطابق بھارتی سکھ یاتری اج بروز اتوار 9 اپریل واہگہ کے راستے پاکستان آئیں گے اور پاکستان میں قیام کے دوران بیساکھی فیسٹول میں شرکت کریں ہیں بیساکھی میلہ کی مرکزی تقریب 14 اپریل کو گوردوارہ پنجہ صاحب احسن ابدال میں ہو گی ,بھارتی سکھ یاتری واہگہ کے راستے پاکستان آنے کے بعد ننکانہ صاحب روانہ ہوں گے جہاں پر تین روزقیام کے دوران بھارتی سکھ یاتری سکھ مذہب کے بانی بابا گورونانک کی جاۓ پیدائش گوردوارہ جنم استھان ننکانہ صاحب ,گوردوارہ سچا سودا سمیت ننکانہ صاحب میں موجود دیگر سات گوردواروں میں اپنی مذہنی رسومات ادا کریں گے ,جس کے بعد بھارتی سکھ یاتری 12 اپریل کو گوردوارہ پنجہ صاحب حسن ابدال روانہ ہو جاٸیں گے جہاں پر 13 اپریل کو مذہنی رسومات کی ادائیگی کریں گے اور 14 اپریل کو ہونے والی خالصہ جنم دن کی مرکزی تقریب میں شرکت کریں گے مرکزی تقریب میں بھوگ ,اکھنڈپاٹ اور نگر کیرتن کا جلوس نکلا جاۓ گا , مرکزی تقریب میں پاکستان سکھ گوردوارہ پربندھک کمیٹی ممبران متروکہ وقف املاک بورڈ اور وزارت مذہبی امور کے اعلی افسران شرکت کریں گے ,بھارتی سکھ یاتری مرکزی تقریب کے بعد گوردوارہ ڈیرہ صاحب لاہور روانہ ہو جاٸیں گے جہاں پر ایک روز قیام کے بعد 16 اپریل کو بھارتی سکھ یاتری گوردوارہ روہڑی صاحب اور گوردوارہ کرتاپورہ میں اپنی مزہبی رسومات ادا کریں گے اور رات قیام کے بعد یاتری لاہور آجاٸیں گے 17 اپریل کو اور لاہور میں موجود گوردواروں میں مزہبی رسومات کی ادائیگی کے بعد 18 اپریل کو واہگہ کے راستے واپس بھارت روانہ ہو جاٸیں گے,بھارتی سکھ یاتریوں کے لیے حکومت پاکستان کی ہدایت پر متروکہ وقف املاک بورڈ نے بہترین قیام و طعام سمت سیکورٹی اور ٹرانپسورٹ کے بہترین انتظامات کیے ہیں تاکہ پاکستان کے مہمانوں کی بہترین مہمان نوازی کی جا سکے
