ممتاز حیدر
انڈیگو کو عالمی درجہ بندی میں دنیا کی سب سے کم کارکردگی والی ایئرلائنز میں شامل کیا گیاہے
ایئرہیل انکارپوریشن، جو پروازوں میں خلل اور کھوئے ہوئے سامان کے حوالے سے مسافروں کے دعووں کو پراسیس کرکے معاوضہ فراہم کرتی ہے، نے اپنی سالانہ رپورٹ شائع کی ہے جس میں دنیا بھر کی ایئرلائنز کی کارکردگی کا جائزہ لیا گیا ہے۔ یہ رپورٹ، جسے ایئرہیل اسکور 2024 کہا جاتا ہے، منگل کے روز شائع کی گئی اور یہ تعطیلات کے موسم کے لیے وقت پر سامنے آئی ہے۔
ایئرہیل کی ایئرلائن رینکنگ کی حکمت عملی میں عالمی سطح پر کیے گئے صارفین کے دعووں کو مدنظر رکھا گیا ہے، ساتھ ہی ہر طیارے کی بروقت آمد و روانگی کی کارکردگی اور 54 سے زائد ممالک سے آنے والی رائے پر بھی توجہ دی گئی ہے۔ اس کے علاوہ کھانے، آرام دہ سیٹوں اور عملے کی خدمت کے بارے میں مسافروں کے تاثرات کو بھی شامل کیا گیا ہے۔ ایئرہیل کے سی ای او، ٹومز پویلشزین کا کہنا ہے کہ ان کا مقصد ایئرلائنز کی کارکردگی کا ایک جامع جائزہ پیش کرنا ہے تاکہ ایئرلائنز مسافروں کی آراء کو سنجیدگی سے لیں۔اس سال کی رپورٹ میں جنوری سے اکتوبر تک کے ڈیٹا کا تجزیہ کیا گیا ہے۔
دنیا کی سب سے کم کارکردگی والی ایئرلائن: انڈیگو
ایئرہیل کی 2024 کی رپورٹ کے مطابق، دنیا کی سب سے کم کارکردگی والی ایئرلائن کا اعزاز ٹونس ایئر (Tunisair) کو حاصل ہوا ہے جو 109 نمبر پر آئی ہے۔ اس کے بعد سب سے کم کارکردگی والی ایئرلائنز میں کئی قومی اور کم لاگت والی ایئرلائنز شامل ہیں، جن میں پولینڈ کی ایئرلائن بیز (Buzz)، بلغاریہ ایئر، ترکی کی پیگاسس ایئرلائنز اور ایئر ماریشس شامل ہیں۔انڈیگو، جو کہ بھارت کی ایک مشہور ایئرلائن ہے، 103 نمبر پر رہی ہے اور اس کی کارکردگی دنیا بھر کی ایئرلائنز کے درمیان سب سے کم 10 میں شامل ہے۔
اگر صرف صارفین کی آراء کو مدنظر رکھا جائے، تو انڈیگو، ٹونس ایئر اور رایان ایئر (Ryanair) دنیا کی سب سے کم کارکردگی والی ایئرلائنز کے طور پر سامنے آئی ہیں۔
دنیا کی سب سے بہترین ایئرلائن: برسلز ایئرلائنز
جہاں تک دنیا کی بہترین ایئرلائن کا تعلق ہے، تو اس کا تاج برسلز ایئرلائنز نے اپنے سر سجا لیا ہے، برسلز ایئرلائنز نے 2018 سے مسلسل دوسرے نمبر پر رہنے والی قطر ایئر ویز کو پیچھے چھوڑا اور پہلی پوزیشن حاصل کی ہے۔اس کے علاوہ امریکی ایئرلائنز یونائیٹڈ ایئرلائنز اور امریکن ایئرلائنز بھی ٹاپ پانچ میں شامل ہیں، جو کہ امریکی مسافروں کے لیے حیرانی کا باعث ہو سکتی ہے کیونکہ اس سال ان ایئرلائنز میں متعدد پروازوں میں خلل آیا تھا۔
2024 کی عالمی رینکنگ کی کچھ اہم معلومات:
دنیا کی 10 بہترین ایئرلائنز
برسلز ایئرلائنز
قطر ایئر ویز
یونائیٹڈ ایئرلائنز
امریکن ایئرلائنز
پلے (آئس لینڈ)
آسٹریا ایئرلائنز
ایل او ٹی پولش ایئرلائنز
ایئر عربیہ
ویڈرو
ایئر سربیا
دنیا کی 10 کم کارکردگی والی ایئرلائنز
100. اسکائی ایکسپریس
101. ایئر ماریشس
102. ٹیروَم
103. انڈیگو
104. پیگاسس ایئرلائنز
105. ایلز ایئرلائنز
106. بلغاریہ ایئر
107. نویل ایئر
108. بیز
109. ٹونس ایئر
ایئرلائنز کی کارکردگی میں کمی اور بہتری
ایئرہیل کی رپورٹ میں ایک اہم نکات یہ بھی ہیں کہ بعض ایئرلائنز کی کارکردگی میں اس سال بہتری آئی ہے، جیسے کہ برسلز ایئرلائنز اور ایئر ٹرانسٹ۔ اس کے برعکس، کچھ ایئرلائنز جیسے ڈیلٹا ایئرلائنز اور الاسکا ایئرلائنز کی کارکردگی میں کمی آئی ہے۔ڈیلٹا ایئرلائنز نے اس سال کی رینکنگ میں 11 سے 17 نمبر پر تنزلی دیکھی، جس کی وجہ اس کے دعووں کی پراسیسنگ سکور میں کمی اور جولائی میں ہونے والا ٹیکنالوجی کا بریک ڈاؤن تھا، جس کے نتیجے میں 3,000 سے زیادہ شکایات درج کی گئیں۔یہ رپورٹ ایئرلائنز کو اپنی خدمات میں بہتری لانے کے لیے ایک موقع فراہم کرتی ہے تاکہ وہ مسافروں کے تجربات کو بہتر بنا سکیں اور عالمی سطح پر اپنی پوزیشن کو مضبوط کر سکیں۔
بلیو ورلڈ کی جانب سےپی آئی اے کی 10 ارب کی بولی کو مسترد کرنے کی سفارش منظور
پی آئی اے کی نجکاری،سوا کھرب روپے سے زائد کی پیشکش آ گئی
چندہ ڈالیں گے لیکن پی آئی اے خریدیں گے، وزیراعلیٰ خیبر پختونخوا
بشریٰ کا رونا اچھی حکمت عملی،گنڈا پور”نمونہ” پی آئی اے نہیں خرید رہے،عظمیٰ بخاری
پی آئی اے کی بجائے اپنے فلیٹس بیچیں، شیخ رشید
اسلام آباد ایئر پورٹ نواز شریف کے قریبی دوست کو دیا جا رہا، مبشر لقمان
پی آئی اے نجکاری،صرف 10 ارب کی بولی، کیوں؟سعد نذیر کا کھرا سچ میں جواب
پی آئی اے نجکاری،خیبر پختونخوا حکومت کی بولی کا حصہ بننے کی خواہش
