انڈونیشیا اور تھائی لینڈ سیلاب، کے باعث آنے والے تباہ کن سیلاب اور لینڈ سلائیڈنگ سے 600 سے زائد افراد ہلاک اور سیکڑوں لاپتہ ہو گئے ہیں۔ حکام لاپتہ افراد کی تلاش اور متاثرہ علاقوں میں امدادی سرگرمیوں میں مصروف ہیں۔
اے ایف پی کے مطابق دونوں ممالک میں ہزاروں لوگ بنیادی ضروریات اور پناہ گاہوں کے بغیر سیلاب میں پھنسے رہے۔ انڈونیشیا کے جزیرہ سوماترا کے دو شدید متاثرہ علاقے اب بھی ناقابلِ رسائی ہیں، جہاں امداد پہنچانے کے لیے جکارتہ سے دو جنگی جہاز بھیجے گئے ہیں۔انڈونیشیا میں ہلاکتوں کی تعداد 442 تک پہنچ گئی ہے جبکہ 402 افراد لاپتہ اور 646 زخمی ہیں۔ متاثرہ گاؤں سونگئی نیالو میں پانی اترنے کے بعد تباہی کے آثار نمایاں ہیں، جبکہ کئی مقامی رہائشیوں کا کہنا ہے کہ ابھی تک کوئی امداد نہیں پہنچی۔
تھائی لینڈ میں دہائی کے بدترین سیلاب کے نتیجے میں 162 افراد ہلاک ہو چکے ہیں۔ حکومت کی جانب سے متاثرہ خاندانوں کو 20 لاکھ بھات تک معاوضہ دینے کا اعلان کیا گیا ہے، تاہم مبینہ غفلت پر عوامی تنقید بڑھ گئی ہے اور دو مقامی حکام کو معطل کیا گیا ہے
