سیالکوٹ،باغی ٹی وی (بیوروچیف شاہدریاض کی رپورٹ ) ڈسکہ میں مہنگائی کا جن بے قابو،سفید پوش طبقہ زبوں حالی کا شکار
ماہ رمضان المبارک کا پہلا عشرہ اختتام پزیر ہونے کو ہے مگر ڈسکہ میں مہنگائی ہے کہ کنٹرول ہی نہیں ہو رہی سبزیوں اور پھلوں کے ریٹ عام آدمی کی پہنچ سے باہر ہوتے جا رہے ہیں سفید پوش طبقہ زبوں حالی کا شکار چہرے پر پریشانی کے نمایاں اثرات دیکھائی دینے لگے
بھنڈی، توری، کریلا، پیاز سب کی قیمتیں آسمان پر پہنچ گئی ہیں، رمضان المبارک کے شروع ہی سے ڈسکہ اور گردونواح میں اشیاء خوردونوش کی قیمتوں میں 100سے 200فیصد اضافہ دیکھنے کو ملا
پھل فروٹ سبزیاں غریب آدمی کی پہنچ سے دور رمضان المبارک آتے ہی سبزیاں پھل اور دیگر ضروریات زندگی کی اشیا کی قیمتیں بڑھ گئیں رمضان المبارک سے پہلے 100روپے کلو والی سبزیاں 200سے 300میں فروخت ہونے لگیں ، فروٹ سیب ،کیلا ،کینوں مالٹا دیہاڑی دار طبقہ دیکھ تو سکتا ہے لیکن اپنے بچوں کے لئے خریدنا مشکل ہے
ضلع و تحصیل انتظامیہ خاموش تماشائی بنی ہوئی ہے دکان دار اپنی من مرضی اشیائےخوردونوش کی قیمتوں میں اضافہ کر رہے ہیں پرائس کنٹرول کمیٹیاں لمبی تان کے سو گئی ہیں شہریوں کا اعلی احکام سے صورت حال کا نوٹس لینے کامطالبہ
