انطالیہ: جنگی مجرم کے طور پر اسرائیلی وزیرِ اعظم نیتن یاہو کے وارنٹِ گرفتاری جاری کرنے والے انٹرنیشنل کرمنل کورٹ کے پراسیکیوٹر جنرل کریم خان نے کہا ہے کہ انسانیت کا تحفظ کسی کا پاسپورٹ دیکھ کر نہیں بلکہ ہماری مشترکہ انسانیت کے ذریعے ممکن ہو گا۔
باغی ٹی وی : ترکی میں منعقدہ انطالیہ ڈپلومیٹک فورم میں شرکت کے دوران صحافیوں سے گفتگو کرتے پراسیکیوٹر جنرل کریم خان نے کہا ہے کہ غیر انسانی وبا پھیلتی جا رہی ہے، بین الاقوامی قانون اس غیر انسانی وبائی لہر کو روکنے میں ہماری مدد کرنے کی صلاحیت رکھتا ہے لیکن مؤثر ہونے کے لیے اس کا تحفظ کسی شخص کے پاسپورٹ پر مبنی نہیں ہو سکتا، یہ صرف ہماری مشترکہ انسانیت کے ذریعے ممکن ہو گا۔
