بالی وڈ کے سینئر اداکار پریش راول نے ناناپاٹیکر سے متعلق دلچسپ انکشاف کئے ہیں-
ایک انٹرویو کے دوران پریش راول نے ناناپاٹیکر سے متعلق دعویٰ کیا کہ نانا پاٹیکر وہ پہلے اداکار تھے جنہوں نے ایک کروڑ معاوضے کا مطالبہ کیا اور انہیں یہ معاوضہ دیا بھی گیا،نانا پاٹیکر پہلے آرٹسٹ ہیں جنہوں نے ایک کروڑ کا معاوضہ طلب کیا ، اس وقت فلم انڈسٹری کے ہیرو بھی اتنا معاوضہ نہیں لیتے تھے اور یہی وجہ تھی کہ انڈسٹری میں بہت شور مچا لیکن نانا پاٹیکر کو یہ معاوضہ دیا گیا ۔
پریش راول نے کہا کہ اگر کسی آرٹسٹ کا احترام کیا جائے تو وہ صرف ایک روپے میں بھی کام کرسکتا ہے لیکن اگر وہ کسی کردار کو نبھا نے سے انکار کردے تو پھر 10 کروڑ کی رقم بھی اُس کا فیصلہ تبدیل نہیں کرسکتی-
پوپ فرانسس کی آخری رسومات جاری،امریکی صدر سمیت عالمی رہنماؤں کی شرکت
اداکار پریش راول نے انکشاف کیا کہ نانا پاٹیکر نے ایک پروڈیوسر کو گھر بلاکر مٹن کھلایا اور پھر برتن بھی دھلوائے،پریش راول نے بتایا ’ ایک پروڈیوسر جس کا میں نام نہیں لوں گا ، نانا پاٹیکر نے اسے گھر بلایا اور اس سے پوچھا کہ تم مٹن کھاتے ہو، اس کے اقرار پر نانا پاٹیکر نے اسے مٹن کھلایا اور پھر کہا کھالیا ؟ اب جاؤ برتن دھو، یوں نانا پاٹیکر نے اس پروڈیوسر سے برتن دھلوائے، نانا پاٹیکر بالکل مختلف آ د می ہیں۔
سندھ طاس معاہدہ مودی کی پکوڑے کی دکان یا چائے کا ٹھیلہ نہیں، عظمیٰ بخاری
