اسلام آباد: پاکستان ٹیلی کمیونیکیشن اتھارٹی (پی ٹی اے) نے عالمی سطح پر انٹرنیٹ سروس میں آنے والے تعطل کے حوالے سے اہم بیان جاری کیا ہے۔ ترجمان پی ٹی اے کے مطابق، انٹرنیٹ سروس میں یہ تعطل عالمی سطح پر آیا ہے۔
پی ٹی اے کے ترجمان نے کہا ہے کہ اتھارٹی ایکس (سابقہ ٹوئٹر) اور کلاؤڈ فلیئر (Cloudflare) کو متاثر کرنے والی بڑی عالمی خرابی کی مسلسل نگرانی کر رہی ہے۔
پی ٹی اے اس صورتحال کے حوالے سے عالمی سروس فراہم کنندگان اور مقامی آپریٹرز کے ساتھ مسلسل رابطے میں ہے۔
ترجمان نے مزید بتایا کہ سروسز کی مکمل بحالی تک صورتحال کی نگرانی جاری رہے گی۔
