ایرانی وزیرِ خارجہ عباس عراقچی نے کہا ہے کہ ایران ہمیشہ سفارت کاری اور مذاکرات کا حامی رہا ہے اور جوہری پروگرام پر بھی ایران شفاف، باوقار اور برابری کی بنیاد پر بات چیت چاہتا ہے۔
تہران میں میڈیا سے گفتگو کرتے ہوئے انہوں نے کہا کہ ایران جوہری مذاکرات کے لیے مکمل طور پر تیار تھا، ہے اور آئندہ بھی رہے گا، تاہم امریکا اس عمل میں منصفانہ رویہ اپنانے کے لیے تیار نہیں۔ عراقچی کے مطابق امریکا کی حالیہ پیش رفت باہمی مفادات کے لیے نہیں تھی بلکہ واشنگٹن نے بدستور اپنے ہی مطالبات مسلط کرنے کی کوشش کی ہے۔
ایرانی وزیرِ خارجہ نے کہا کہ امریکا کی اس طرزِ عمل کے باعث مذاکرات کے امکانات کم ہوتے جا رہے ہیں، کیونکہ ایران کسی کے دباؤ یا احکامات کے تحت مذاکرات نہیں کرے گا۔ انہوں نے واضح کیا کہ ایران صرف ایسے مذاکرات چاہتا ہے جو مساوات کی بنیاد پر ہوں اور تمام فریقین کے مفادات کا احترام کرتے ہوں
اردن کے شاہ عبداللہ کا فیلڈ مارشل عاصم منیر کے ہمراہ گلوبل انڈسٹریز اینڈ ڈیفنس سلیوشنز کا دورہ
