غیر قانونی طور پر سمندر کے راستے ایران جانے کی کوشش ناکام ، ایرانی شہری سمیت 29 ملزمان گرفتارکر لئے گئے
ایف آئی اے کمپوزٹ سرکل گوادر کی بڑی کاروائیاں،سمندر کے راستے غیر قانونی طور پر ایران جانے والے 29 ملزمان گرفتارکر لئے گئے،گرفتار ملزمان میں 6 کا تعلق بنوں، 4 کا تعلق فیصل آباد سے، 5 کا تعلق مالاکنڈ، سے ہے،گرفتار ملزمان میں 4 کا تعلق ملتان اور خانیوال جبکہ 2 کا تعلق بونیر سے ہے۔گرفتار ملزمان میں ایرانی شہری بھی شامل ہیں،دیگر ملزمان کا تعلق حافظ آباد، وزیرستان، وزیر آباد اور کراچی سے ہے،ملزمان کو جیوانی سے گرفتار کیا گیا ،گرفتار ملزمان غیر قانونی طور پر سمندر کے راستے پاکستان سے ایران جا رہے تھے،ابتدائی تفتیش کے مطابق ملزمان نے ایران سے غیر قانونی طور پر دیگر ممالک جانا تھا،ملزمان کے خلاف مقدمات درج کر لئے گئے،ملزمان کو گرفتار کر کے تفتیش کا آغاز کر دیا گیا ہے
