مشرقِ وسطیٰ کی صورتحال ایک بار پھر سنگین، ایران نے اسرائیل پر بھرپور میزائل حملہ کر دیا۔
ایرانی سرکاری میڈیا کے مطابق،ایران نے اسرائیل پر 100 بیلسٹک اور ہائپر سونک میزائلوں سے نیا حملہ کیا ہے۔ جن میں حیفہ کے معاشی مراکز بھی نشانہ ہیں۔ درجنوں بیلسٹک اور ہائبرڈ ڈرون میزائل اسرائیل کی جانب داغے گئے جن میں سے کئی تل ابیب اور دیگر شہروں میں آ کر گرے۔
رپورٹس کے مطابق حیفہ شہر میں کلسٹر میزائلوں سے حملہ کیا گیا جس کے نتیجے میں وہاں واقع آئل ریفائنری میں شدید آگ بھڑک اٹھی۔ تل ابیب میں متعدد دھماکوں کی آوازیں سنائی دیں جبکہ کئی عمارتوں میں آگ لگنے کے بعد دھوئیں کے گہرے بادل بلند ہوتے دکھائی دیے۔
اسرائیلی فوج نے فوری طور پر ایمرجنسی نافذ کر دی ہے اور شہریوں کو محفوظ پناہ گاہوں میں منتقل ہونے کی ہدایت جاری کی گئی ہے۔ ابتدائی اطلاعات کے مطابق حملے میں ہونے والے جانی و مالی نقصان کا تخمینہ لگایا جا رہا ہے۔
اسرائیل کا ایران پر تازہ حملہ، تہران سمیت 7 صوبوں میں فضائی دفاعی نظام فعال
ایران کا اسرائیل پر ایک اور حملہ، حیفا کی آئل ریفائنری اور بندرگاہ پر بیلسٹک میزائلوں کی بارش
ایف-35 طیارہ گرانے اورخاتون پائلٹ گرفتار ی کی اسرائیل نے تردید کر دی