تہران (اے پی پی) ایران کی بحریہ کی میزبانی میں 4 اگست کو خلیج فارس میں 2019ءورلڈ آرمی ڈائیونگ ٹورنامنٹ کا انعقاد کیا جائے گا۔
ایرانی خبررساں ادارے کے مطابق خلیج فارس میں ہونے والے مقابلوں میں دنیا کے 10 ممالک سے آئے ہوئے غوطہ خور آرمی اہلکار، بین الاقوامی فوجی مقابلوں کے مختلف کیٹگیری میں حصہ لیں گے۔ یہ مقابلے 4 سے 14 اگست تک ایرانی جزیرہ کیش اور خلیج فارس کی پانیوں میں منعقد ہوں گے۔ واضح رہے کہ گزشتہ سال کے جولائی میںورلڈ آرمی ڈائیونگ ٹورنامنٹ کا بحیرہ اسود میں واقع روسی جزیرہ کریمہ میں انعقاد کیا گیاتھا۔
