ایران پاکستانیوں کے قتل میں ملوث ملزمان کیخلاف کاروائی کرے.سیف اللہ قصوری
پاکستان مرکزی مسلم لیگ کے رہنماؤں نے ایران میں پاکستانی مزدوروں کے قتل کے واقعہ کی مذمت کرتے ہوئے کہا ہے کہ یہ انسانیت سوز واقعہ ، جس نے پوری پاکستانی قوم کو غمزدہ کر دیا ، معصوم اور محنت کش مزدوروں کو نشانہ بنانا ایک بزدلانہ دہشت گردی ہے،ایران پاکستانیوں کے قتل میں ملوث ملزمان کیخلاف کاروائی کرے.
پاکستان مرکزی مسلم لیگ کے صدر خالد مسعود سندھو، سیکرٹری جنرل سیف اللہ قصوری، مرکزی ترجمان تابش قیوم کا کہنا تھا کہ ایران میں ہونے والے پاکستانی مزدوروں کے قتل پر ہر پاکستانی غمزدہ ہے. اس بدترین دہشت گردی کی بھرپور مزمت کرتے ہیں اور امید کرتے ہیں کہ ایران ان دہشت گردوں کے خلاف کارروائی کرے اور پاکستان کے ساتھ انٹیلیجنس شیئرنگ کا مربوط نظام بنائے. دہشت گردی ایک عالمی مسئلہ ،اس کے خاتمے کے لیے ایران و پاکستان کو مشترکہ حکمتِ عملی اپنانا ہو گی،ایران میں قتل ہونے والے پاکستانیوں کے اہلخانہ کے غم میں برابر کے شریک ہیں، دعا گو ہیں کہ اللہ تعالیٰ مقتولین کی مغفرت فرمائے اور ان کے لواحقین کو صبرِ جمیل عطا کرے۔ آمین
