ایران نے اسرائیلی جارحیت کے جواب میں ایک بار پھر اسرائیل پر میزائل حملے کیے، جن میں تل ابیب اور حیفہ کو نشانہ بنایا گیا۔ حملوں کے نتیجے میں ایک شخص ہلاک جبکہ 23 افراد زخمی ہوئے۔
برطانوی اخبار کے مطابق ایران نے بڑے پیمانے پر اسرائیلی شہروں پر میزائل داغے۔ اسرائیلی دفاعی افواج (آئی ڈی ایف) نے ملک بھر میں ہنگامی الرٹ جاری کرتے ہوئے شہریوں کو فوری طور پر پناہ لینے کی ہدایت کی۔ایران کے سرکاری خبر رساں ادارے پریس ٹی وی کے مطابق جمعے کے روز ایرانی مسلح افواج نے مقبوضہ فلسطینی علاقوں کے شمالی و جنوبی حصوں میں موجود اسرائیلی فوجی اہداف، صنعتی کمانڈ سینٹرز اور جاسوسی مراکز کو نشانہ بنایا۔
آپریشن کے ترجمان کے مطابق یہ کارروائی آپریشن کے 17ویں مرحلے کے تحت کی گئی، جس میں طویل فاصلے تک مار کرنے والے بھاری میزائلوں کے ساتھ ساتھ جنگی اور خودکش ڈرونز کا بھی استعمال کیا گیا۔امریکی نشریاتی ادارے سی این این نے رپورٹ کیا کہ اسرائیلی ریسکیو سروس "میگن ڈیوڈ آدوم” کے مطابق حملے میں 23 افراد زخمی ہوئے۔
رپورٹس میں دعویٰ کیا گیا ہے کہ ایرانی میزائل اسرائیل کے دفاعی نظام کو چکمہ دیتے ہوئے تل ابیب میں اپنے اہداف کو کامیابی سے نشانہ بنانے میں کامیاب رہے۔
فرانس اور یورپی ممالک کا ایران اسرائیل کشیدگی کے حل کے لیے سفارتی پیشکش کا اعلان
تنگوانی: بازار کاروکاری تنازع پر میدانِ جنگ بن گیا، متعدد زخمی، پولیس خاموش
برطانیہ نے ایران سے سفارتی عملہ سیکیورٹی خدشات کے باعث واپس بلا لیا
اسحاق ڈار کی ترکی میں یوتھ ایوارڈ تقریب میں شرکت، صدر اردگان کو خراج تحسین