امریکی اخبار نیو یارک ٹائمز نے دعویٰ کیا ہے کہ ایران نے قطر میں موجود امریکی فوجی اڈے پر میزائل حملے سے قبل قطری حکام کو پیشگی اطلاع دے دی تھی۔
رپورٹ کے مطابق ایران نے حملے سے قبل قطر کو آگاہ کیا، تاکہ کسی بڑے انسانی نقصان سے بچا جا سکے۔ پاسداران انقلاب نے قطر میں امریکی اڈے پر میزائل داغنے کی تصدیق کی ہے۔نیو یارک ٹائمز نے اس حوالے سے ماضی کے ایک واقعے کا حوالہ بھی دیا، جب 2020ء میں ایرانی جنرل قاسم سلیمانی کی ہلاکت کے بعد ایران نے عراق میں امریکی فوجی اڈے پر بیلسٹک میزائل داغے تھے، اور عراق کو بھی حملے سے پہلے اطلاع دے دی گئی تھی۔
رپورٹ میں یہ بھی دعویٰ کیا گیا ہے کہ ایران پر امریکی حملے سے متعلق خود امریکی حکام نے پیشگی اطلاع فراہم کی تھی۔ ایرانی میڈیا کے مطابق امریکا نے خفیہ طور پر ایران کو آگاہ کیا کہ صرف تین جوہری تنصیبات کو نشانہ بنایا جائے گا، جس کا مقصد مکمل جنگ سے گریز کا پیغام دینا تھا۔ایرانی ذرائع کا کہنا ہے کہ امریکی پیشگی اطلاع کے بعد ایران نے اپنی جوہری تنصیبات سے افزودہ یورینیئم کے ذخائر کو محفوظ مقام پر منتقل کر دیا تھا۔
اسرائیل نے ایران سے جنگ بندی کی خواہش ظاہر کردی، حملوں کے خاتمے کا عندیہ
توقع تھی ایران کا جوابی حملہ ہو گا،ٹرمپ مزید فوجی کاروائی نہیں چاہتے،ذرائع وائیٹ ہاؤس
پی ائی اے کا پاکستان سے قطر، بحرین، کویت اور دبئی کا فضائی آپریشن منسوخ
سعودی عرب کے پرنس سلطان ایئر بیس سے امریکی طیاروں کی ہنگامی پروازیں
