ایران نے اپنا تیسرا زیرِ زمین میزائل بیس دنیا کے سامنے پیش کردیا ہے، جو ملک کی دفاعی صلاحیتوں کو مزید مضبوط بنانے کے عزم کو ظاہر کرتا ہے۔
باغی ٹی وی: ایرانی سرکاری میڈیا کی جانب سے نشر کی گئی 85 سیکنڈ کی ویڈیو میں ایران کے اعلیٰ فوجی افسران، میجر جنرل محمد حسین باقر ی اور آئی آر جی سی ایرو اسپیس فورس کے سربراہ امیر علی حاجی زادہ کو اس خفیہ اڈے کا معائنہ کرتے ہوئے دکھایا گیا ہے اس ہتھیا رو ں کے ذخیرےمیں ایران کےجدید ترین میزائل شامل ہیں جن میں خیبر شکن، قدر-H، سجیل اور پاوہ لینڈ اٹیک کروز میزائل شامل ہیں یہی وہ میزائل ہیں جنہیں حالیہ حملوں میں اسرائیل کے خلاف استعمال کیا گیا تھا۔
تاہم، ویڈیو میں اس فوجی اڈے کی کمزوری بھی نمایاں ہوئی، کیونکہ تمام ہتھیار طویل، کھلی سرنگوں اور وسیع غاروں میں رکھے گئے ہیں، جہاں نہ تو دھماکوں سے بچاؤ کے دروازے ہیں اور نہ ہی کوئی محفوظ رکاوٹیں موجود ہیں، جو کسی بھی حملے کی صورت میں تباہ کن دھماکوں کا خطرہ بڑھا دیتی ہیں۔
ایف آئی اے کو ملزم ارمغان سے جیل میں تفتیش کی اجازت
نومبر 2020 میں ایران نے پہلی بار اپنے زیر زمین فوجی منصوبوں کی نقاب کشائی کی تھی، جب ایک خفیہ بیلسٹک میزائل تنصیب کی ویڈیو سامنے آئی تھی اس تنصیب میں وسیع زیرِ زمین سرنگوں کے ذریعے خودکار ریل سسٹم کے ذریعے میزائل لانچ کے لیے تیار کیے جاتے تھے تین سال بعد، تہران نے ایک اور اسٹریٹیجک مضبوط قلعہ متعارف کروایا، جو زیر زمین ایک وسیع فوجی اڈہ تھا، جہاں جنگی طیار و ں کو محفوظ رکھنے کا انتظام کیا گیا تھا۔
یہ ویڈیو ایسے وقت میں جاری کی گئی ہے جب امریکہ نے ایران پر دباؤ بڑھا دیا ہے صدر ٹرمپ نے ایران کو متنبہ کیا ہے کہ اگر وہ اپنے جوہری پروگرام کو مکمل طور پر ختم کرنے، یورینیم افزودگی روکنے اور میزائل پروگرام ترک کرنے پر راضی نہ ہوا، تو اسے سخت پابندیو ں اور ممکنہ فوجی کارروائی کا سامنا کرنا پڑے گا۔
پہلی بیوی کو فسخ نکاح کا حق دینا غیر اسلامی قرار
ایران نے ان مطالبات کو یکسر مسترد کرتے ہوئے اپنے جوہری پروگرام کو قومی سلامتی اور خطے میں طاقت کے توازن کے لیے ناگزیر قرار دیا ہے ایرانی حکام کا کہنا ہے کہ اگر وہ اپنے میزائل اور جوہری صلاحیتوں سے دستبردار ہو گئے، تو ملک کو بیرونی خطرات کے رحم و کرم پر چھوڑ دیا جائے گا۔
امریکی دباؤ کے جواب میں ایران نے اپنی عسکری تنصیبات کو مزید مضبوط کرنے کا عمل تیز کر دیا ہے۔
دوسری جانب، امریکہ نے مشرق وسطیٰ میں اپنی عسکری طاقت میں اضافہ کرتے ہوئے دو طیارہ بردار جنگی بیڑے خطے میں تعینات کر دیے ہیں، تاکہ ایران کو اپنے مطالبات منوانے کے لیے ممکنہ فوجی کارروائی کا اشارہ دیا جا سکے۔
شاہ رخ خان کا بچپن میں غربت دیکھنے کا انکشاف
صدر ٹرمپ نے حال ہی میں ایران کی قیادت کو خط لکھ کر جوہری پروگرام پر مذاکرات کی پیشکش کی، تاہم ایران کے سپریم لیڈر آیت اللہ علی خامنہ ای نے اس پیشکش کو مسترد کرتے ہوئے امریکہ کو ”غنڈہ گرد ملک“ قرار دیا۔
