ایران انکشاف کیا ہے کہ جوہری تنصیبات کا معائنہ کرنے کے لیے آنے والے عالمی ادارے کے اہلکاروں کے جوتوں سے جاسوسی چپس ملی تھیں۔
عالمی میڈیاکے مطابق یہ انکشاف ایران کی پارلیمانی قومی سلامتی کمیٹی کے ڈپٹی چیئرمین محمود نبویان نے ایک انٹرویو میں کیا ،انھوں نے بین الاقوامی جوہری توانائی ایجنسی کی کارکردگی پر کڑی تنقید کرتے ہوئے سوال اُٹھایا کہ انہیں کیسے پتہ چلتا ہے کہ ہماری نطنز میں جوہری تنصیبات ہیں؟وہ یا تو امریکی سیٹلائٹس کے ذریعے یا سیکیورٹی اداروں کے ذریعے معلوم کرتے ہیں یا اسرائیل نے معلومات فراہم کی ہیں، ہمارے پاس جاسوسی کے تمام تر شواہد موجود ہیں معائنہ کاروں کے جوتوں سے جاسوسی چپس ملی ہیں۔
انہوں نے کہا کہ ہم بین الاقوامی جوہری توانائی ایجنسی کے ڈائریکٹر جنرل رافیل گروسی سے پوچھتے ہیں کہ آپ کے پاس اب ہماری تین مقامات کے بارے میں دعوے ہیں جن کے بارے میں آپ کہتے ہیں کہ وہ ابھی تک حل نہیں ہوئے کیا یہ صرف اتنا ہی ہے کہ اسرائیل نے آپ کو ہمارے ان مراکز کے بارے میں معلومات فراہم کردی ہیں؟ کیا اسرائیل نے آپ کو ہم سے متعلق دستاویزات فراہم کی ہیں؟ لیکن آپ اسرائیل کی بات کیوں سنتے ہیں؟ کیا اسرائیل عدم پھیلاؤ معاہدے کا رکن ہے؟ اسی لیے ہم کہتے ہیں کہ آپ جاسوسی کر رہے ہیں،گروسی نے ہماری رپورٹس اسرائیل کو دیں۔
پاکستان اور برطانیہ کے درمیان ٹریڈ ڈائیلاگ میکانزم کے معاہدے پر باضابطہ دستخط
محمود نبویان نے مزید کہا کہ ایران کی وزارت انٹیلی جنس نے اسرائیلی خفیہ دستاویزات حاصل کیں اور کہا کہ ہم نے اسرائیل سے دس ملین دستاویزات حاصل کی ہیں اور یہ جاننا دلچسپی کا باعث بنا کہ عدم پھیلاؤ معاہدے کے رکن کے طور پر ہمیں اپنی رپورٹس ایجنسی کو پیش کرنی چاہئیں لیکن گروسی نے ہماری رپورٹس اسرائیل کو دیں!۔ انہوں نے گروسی سے مخاطب ہوتے ہوئے مزید کہا کہ جب ہم کہتے ہیں جاسوسی تو ہم یہ ثبوت کے ساتھ کہتے ہیں جب ہم ایجنسی کو خفیہ رپورٹس پیش کرتے تھے تو ایجنسی میں ان پر بحث کرنے سے پہلے معلومات اخبارات میں شائع ہو جاتی تھیں حالانکہ ان معلومات کی اشاعت ممنوع ہے اس پر ایجنسی کو جوابدہ ہونا چاہیے،اسرائیلی اور امریکی اخبارات ایران کی جوہری معلومات شائع کرتے ہیں۔
واضح رہے ایران نے گزشتہ ماہ پارلیمنٹ سے منظوری کے بعد بین الاقوامی جوہری توانائی ایجنسی کے ساتھ اپنا تعاون باضابطہ طور پر معطل کر دیا تھا۔
پی پی پی اور جے یو آئی کا ایک پلیٹ فارم سے سینیٹ الیکشن لڑنے پر اتفاق
