ایران نے پاکستان کے لئے براہ راست پروازیں شروع کر دیں۔
ایران ائیر نے کوئٹہ، زاہدان، مشہد کی براہ راست پروازیں شروع کر دی ہیں،پاکستان میں تعینات ایرانی سفیر مدثر نے سوشل میڈیا پر اس پیشرفت سے آگاہ کیاان کا کہنا تھا کہ مجھے بہت خوشی ہے کہ ایران ائیر نے کوئٹہ، زاہدان، مشہد کی براہ راست پروازوں کا آغاز کر دیا ہے،یہ پروازیں تین تاریخی شہروں کو بے پناہ صلاحیتوں سے جوڑیں گی، تینوں شہر کے لوگوں کا براہ راست پر وازیں شروع کرنے کا دیرینہ مطالبہ تھا۔
انہوں نے کہا کہ،نئے فلائٹ آپریشنز سے خطے میں کاروبار، سیاحت اور لوگوں کے درمیان تعلقات کو فروغ ملے گا، ہمارے جغرافیہ کی گہرائی اور اپنی اقتصادی ضروریات کو مدنظر رکھتے ہوئے دونوں ممالک کے درمیان فضائی رابطے کو بڑھانا جاری رکھیں گے۔
واضح رہے کہ کوئٹہ سے ایران کے دونوں شہروں کے لیے براہ راست پروازیں پاکستانی زائرین کے لئے بھی سود مند ثابت ہوں گی۔
دین اسلام عقیدے کی آزادی اور انسانیت کا احترام درس دیتا ہے، محسن نقوی
سب سے زیادہ گدھے پنجاب میں ،انکشاف
پاک بھارت بحری فوجیں آمنے سامنے
