fbpx

عرفان خان کے بیٹے بابل امیتابھ بچن کے ساتھ کام کرنے کے خواہاں

مرحوم بھارتی اداکار عرفان خان کے بیٹے بابل خان نے لیجنڈری اداکار امیتابھ بچن کے ساتھ کام کرنے کی خواہش کا اظہار کیا ہے۔

باغی ٹی وی : بھارتی میڈیا کے مطابق فوٹوز اینڈ ویڈیو شیئرنگ ایپ انسٹاگرام پر بابل خان نے والد عرفان خان اور امیتابھ بچن کی ایک یادگار تصویر شیئر کی۔

تصویر کے کیپشن میں بابل نے لکھا کہ مجھے تکلیف ہوتی ہے اور پھر میں کرب سے گزرتا ہوں، اور پھر مجھے احساس ہوتا ہے کہ میرے بابا کے پرستار بہت اچھے اور مہربان ہیں، اس لیے اس نفرت کو نظرانداز کرو۔

بابل نے لکھا کہ ایک دن جب میں اس قابل ہوجاؤں گا تو میں اپنے بابا کے پرستاروں کا بھی سر فخر سے بلند کردوں گا۔

ساتھ میں بابل نے امیتابھ بچن کو نتھی کرتے ہوئے لکھا کہ ’اور ایک دن میں آپ کے ساتھ کام کروں گا سر۔

خیال رہے کہ بابل فلم ’قلا‘ سے بالی ووڈ میں اپنا ڈیبیو کرنے جارہے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.