اسرائیلی حریف کو ہرانے کے بعد آئرش فائٹر کا ’فلسطین آزاد کرو‘ کا نعرہ

روم میں ہونے والے کیج وارئیرز 189 کے مکسڈ مارشل آرٹس مقابلے میں آئرلینڈ کے فائٹر پیڈی میکوری نے اسرائیلی حریف شوکی فراج کو شکست دیتے ہوئے زور و شور سے ’فری فلسطین‘ کے نعرے لگائے۔

ویسٹ بیلفاسٹ سے تعلق رکھنے والے 27 سالہ پیڈی میکوری نے فائٹ کے دوران مکمل غلبہ برقرار رکھا اور متفقہ فیصلہ کے ذریعے کامیابی حاصل کی لیکن اصل توجہ اُس وقت حاصل ہوئی جب انہوں نے اپنے اسرائیلی حریف کو زمین پر گرا کر مارنے کے دوران متعدد بار ’فری فلسطین‘ کے نعرے لگائے، ساتھ ہی کچھ نازیبا الفاظ بھی کہے۔

https://x.com/PaddyMcCorryMMA/status/1928941302143496266

مقابلے کے بعد پیڈی میکوری نے فلسطینی پرچم لہرا کر ایک بار پھر ’فری فلسطین‘ کا نعرہ بلند کیا سوشل میڈیا پر یہ ویڈیو تیزی سے وائرل ہوگئی، جسے میکوری نے خود بھی اپنے اکاؤنٹس پر ’Street Justice‘ کے عنوان کے ساتھ آئرش اور فلسطینی پرچموں کے ایموجیز کے ساتھ پوسٹ کیا،مقامی تماشائیوں نے بھی میکوری کا ساتھ دیتے ہوئے ’فری، فری فلسطین‘ کے نعرے لگائے، جو کہ رِنگ میں گونجتے رہے۔