![](https://baaghitv.com/wp-content/uploads/2022/10/Irish-team.jpg)
لاہور: آئر لینڈ کی ویمن کرکٹ ٹیم دورہ پاکستان کیلئے لاہور پہنچ گئی ہے۔
باغی ٹی وی: آئر لینڈ ویمن کرکٹ ٹیم تین ون ڈے اورتین ٹی ٹوئنٹی میچز کی سیریزکھیلے گی، تینوں ون ڈے میچز آئی سی سی ویمنز چیمپئین شپ کا حصہ ہیں لاؤرا ڈیلانی آئر لینڈ کے ون ڈے اور ٹی ٹوئنٹی اسکواڈز کی کپتانی کریں گی جبکہ آئر لینڈ ویمن کرکٹ ٹیم پیر سے ٹریننگ کا آغاز کرے گی۔
Safe travels! We look forward to hosting you in Lahore 👍#PAKWvIREW https://t.co/sNYu7msKic
— Pakistan Cricket (@TheRealPCB) October 29, 2022
سیریز کے تمام میچز قذافی اسٹیڈیم لاہورمیں کھیلے جائیں گے جبکہ ون ڈے اور ٹی ٹونٹی میچز کی سیریز 4 سے 16 نومبر تک کھیلی جائے گی پاکستان اور آئرلینڈ کی ویمن ٹیموں کےدرمیان ون ڈے میچز 4، 6 اور 9 نومبر کو کھیلے جائیں گےجبکہ سیریز کے ٹی ٹوئنٹی میچز 12، 14 اور 16 نومبر کو کھیلے جائیں گے۔
یاد رہے کہ آئر لینڈ کی کسی بھی کرکٹ ٹیم کا یہ پہلا دورہ پاکستان ہے، سیریز کے تمام میچز کیلئے تماشائیوں کا داخلہ مفت رکھا گیا ہے۔
قبل ازیں پاکستان قومی ویمن ٹیم کی آل راؤنڈر فاطمہ ثنا نے کہا تھا کہ ٹی ٹونٹی ایشیا کپ میں ٹیم کا مومنٹم دیکھ کر اچھا لگا، آئر لینڈ کے خلاف سیریز میں اچھی کارکردگی کیلئے پر امید ہوں۔
کرکٹ میں اپ ڈاؤن ہوتے ہیں، جتنا عوام دکھی ہوتی ہے، ہم بھی شکست پر اتنا ہی دکھی ہوتے ہیں،حارث رؤف
انہوں نے کہا تھا کہ جس طرح ہم نے ایشیا کپ ٹورنامنٹ میں انڈیا کو ہرایا اس سے آئر لینڈ کے خلاف سیریز سے قبل میرے اعتماد میں اضافہ ہوا، آئر لینڈ کی ٹیم کا پہلی مرتبہ پاکستان کا دورہ کرنا بہت اچھا ہے، سیریز میں جیت کیلئے ہم اپنے مومنٹم کو برقرار رکھنے کی کوشش کریں گی۔
"It is great to see Ireland coming here for the first time."
🗣️ @imfatimasana is confident of a good show against Ireland
Read more ➡️ https://t.co/iosVf5ea7K#PAKWvIREW | #BackOurGirls pic.twitter.com/2ZQqxdQgCA
— Pakistan Cricket (@TheRealPCB) October 29, 2022
فاطمہ ثنا نے کہا تھا کہ میرا ڈیانا بیگ کے ساتھ کمبینیشن اچھا ہے ان کے ساتھ ہی اپنا کیریئر شروع کیا، ڈیانا بیگ انجری کی وجہ سے ٹیم میں شامل نہیں ٹیم ان کو مس کریں گے، ٹیم میں دیگر کئی فاسٹ بولر ہیں جو آئرلینڈ ٹیم کو چیلنج کریں گی۔
انہوں نے کہا تھا کہ میں جب نیٹ بولر تھی تو سوچا کرتی تھی کہ مجھے کب پاکستان کی نمائندگی کرنے کا موقع ملے گا، جب یہاں ٹیمیں آیا کرتی تھیں تو میں نے ان سے بہت کچھ سیکھا۔
Preparations ramped up for the home assignment against Ireland ☘️
More details ➡️ https://t.co/Ej62Yli4c6#PAKWvIREW | #BackOurGirls pic.twitter.com/Nw0PYCN5Qj
— Pakistan Cricket (@TheRealPCB) October 29, 2022
ان کا کہنا تھا کہ سری لنکا کے خلاف کراچی میں اچھا کراؤڈ میچز دیکھنے کیلئے آیا، امید ہے کہ آئر لینڈ کے خلاف میچز دیکھنے کیلئے بھی کراؤڈ آئے گا، میرا پیغام ہے کہ میچز دیکھنے کیلئے آئیں اور اپنی ٹیم کو سپورٹ کریں۔