لاہور: کینسر کے عارضے میں مبتلا معروف ٹی وی اینکر ارم چوہدری انتقال کرگئیں۔
باغی ٹی وی : تفصیلات کے مطابق معروف اینکر پرسن ارم چوہدری جان لیوا مرض کینسر میں مبتلا تھیں اورگزشتہ روز آٹھ بجے لائیو پروگرام کرنے والی تھی ، لیکن پروڈیوسر کے رابطہ کرنے پر معلوم ہوا کہ ان کا انتقال ہو گیا ،مرحومہ مختلف ٹی وی چینلز پر کام کر چکی ہیں۔
https://x.com/ZayanHasan1/status/1751251425206649332?s=20
سوشل میڈیا پر صحافیوں نے معروف اینکر ارم چوہدری کے انتقال کی خبر شیئر کی،مرحومہ اپنے 2بچوں کی کفالت کررہی تھیں، اینکر پرسن کے انتقال پر صحافیوں نے افسوس کا اظہار کیا ہے۔
نگران وفاقی وزیر اطلاعات، نشریات و پارلیمانی امور مرتضیٰ سولنگی نے سینئر اینکر پرسن ارم چوہدری کے انتقال پر گہرے دکھ اور افسوس کا اظہار کیا ،اپنے تعزیتی بیان میں انہوں نے کہا کہ ارم چوہدری کے انتقال کی خبر سن کر دلی افسوس ہوا، ارم چوہدری ایک باصلاحیت اور محنتی صحافی تھیں جنہوں نے اپنے کیریئر میں صحافت کے میدان میں نمایاں خدمات انجام دیں انہوں نے کہا کہ مرحومہ کا انتقال شعبہ صحافت کے لئے بڑا نقصان ہے۔
وفاقی وزیر اطلاعات نے ارم چوہدری کو خراج عقیدت پیش کرتے ہوئے دعا کی کہ اللہ تعالیٰ مرحومہ کو اپنے جوار رحمت میں جگہ اور لواحقین کو صبر جمیل عطا فرمائے۔ آمین
