اسحاق ڈار کو وزیر خارجہ بنائے جانے کا امکان

سینیٹر اسحاق ڈار کے حوالے سے اہم فیصلہ کیاگیا ہے۔اسحاق ڈار، جلیل عباس اور طارق فاطمی کی وزیراعظم شہباز شریف سے ملاقات ہوئی ہے۔ وزارت خارجہ کے سینئر حکام کی غیر رسمی بریفنگ ہوئی ۔ذرائع کا کہنا ہے کہ اسحاق ڈار کو وزیر خارجہ بنائے جانے کا امکان ہے ۔ اس غیر رسمی بریفنگ میں یہ بھی طے پایا کہ سابق وزیر خارجہ جلیل عباس جیلانی خارجہ امور کے مشیر ہوں گے اور طارق فاطمی وزیراعظم کے معاون خصوصی امور خارجہ ہوں گے۔ واضح رہے کہ کچھ روز قبل مسلم لیگ (ن) کے سینیٹر عرفان صدیقی نے کہا تھا کہ کابینہ تشکیل کے فیصلے نواز شریف کی مرضی سے کیے جا رہے ہیں۔ انہوں بتایا تھا کہ اسحاق ڈار ہی وزیر خزانہ ہوں گے، چونکہ پیپلز پارٹی کو چیئرمین سینیٹ کا عہدہ ملے گا لہٰذا یہ تاثر غلط ہوگا کہ اسحاق ڈار چیئرمین سینیٹ ہوں گے۔