ننکانہ پولیس کا جرائم پیشہ افراد کے خلاف کریک ڈاؤن

مختلف وارداتوں میں مطلوب اشتہاری ملزمان گرفتار۔

رپورٹ بائے عبدالرحمان یوسف
باغی ٹی وی کی رپورٹ کے مطابق ڈی پی او ننکانہ اسماعیل کھاڑک کی ہدایت پر ضلعی پولیس کی جانب سے عوامی جان و مال کے تحفظ کا سفر تیزی سے جاری ہے۔ تھانہ فیض آباد پولیس نے ڈکیتی کے مقدمہ میں مطلوب 2 اشتہاری ملزمان گرفتار کر لیے، اشتہاری ملزمان اسفند یار عرف مون اور خلیل احمد عرف شبو نے دوران ڈکیتی پٹرول پمپ کے کیشیئر علی حسن کو فائر مارے اور پیسوں والا بیگ چھین کر فرار ہو گئے تھے۔
تھانہ فیض آباد پولیس نے SHO افتخار احمد کی سربراہی میں اشتہاری ملزمان کو جدید تکنیکی صلاحیتوں اور پیشہ وارانہ مہارت سے گرفتار کیا۔ ملزمان کے قبضہ سے دوران واردات لوٹی ہوئی رقم 6 لاکھ روپے برآمد کی۔ اشتہاری ملزمان ضلع ننکانہ، شیخوپورہ اور دیگر اضلاع میں بھی روڈ رابری اور ڈکیتی کی وارداتوں میں سر گرم تھے۔ مزید تفتیش جاری ہے۔
تھانہ فیض آباد کے SHO افتخار احمد نے ملزمان سے برآمد ہونیوالی رقم 6 لاکھ روپے مقدمہ کے مدعی محمد رفیق کے حوالے کر دی۔ مدعی مقدمہ کی تھانہ فیض آباد سمیت پنجاب پولیس ننکانہ کو ڈھیروں دعائیں۔
ڈی پی او ننکانہ نے SHO تھانہ فیض آباد اور ہمراہی ٹیم کے لیے نقد انعام اور سرٹیفیکیٹ کا اعلان کیا ہے۔ ڈی پی او ننکانہ کا کہنا ہے کہ عوامی جان و مال کا تحفظ ضلعی پولیس کی اہم ذمہ داری ہے، ضلعی پولیس جرائم پیشہ افراد کے خلاف مئوثر کاروائیاں یقینی بنا رہی ہے۔ انہوں نے مزید کہا کہ ضلع بھر سے جرائم پیشہ افراد کا خاتمہ میرا مشن ہے۔

*ترجمان ننکانہ پولیس*

جواب چھوڑیں

آپ کا ای میل ایڈریس شائع نہیں کیا جائے گا.