3 تھانیداروں اوراہلکاروں سے مسلح افراد گن پوائنٹ پرملزم لے اُڑے

اسلام آباد،باغی ٹی وی( ویب نیوز ) اسلام آباد کے تین ایس ایچ اوز کی موجودگی میں مسلح افراد ملزم کو پولیس حراست سے چھڑا کر فرار ہو گئے
تفصیل کے مطابق تھانہ ایئرپورٹ پولیس کو ایس ایچ او تھانہ سی ٹی ڈی اسلام آباد ساجد بٹ نے بتایا کہ گرفتاری کے سلسلے میں ملزم عاصم عزیز کو اسپیشل امدادی ٹیم عدیل شوکت ایس ایچ او تھانہ کوہسار، ناصر منظور ایس ایچ او تھانہ پھلگراں، فخر اقبال اے ایس آئی،فواد خالداے ایس آئی، حیدر علی سب انسپکٹر، رضوان احمد اے ایس آئی،ہاشم کانسٹیبل بامسلح ایس ایم جی، نور آصف ہیڈ کانسٹیبل کے ہمراہ عزیز بلڈرز پہنچے اور مقدمہ میں نامزد ملزم عاصم عزیز کو دفتر کے باہر مین روڈ پر قابو کیا گیا جسے بعد دریافت مقدمہ بالا میں حسب ضابطہ گرفتار کر کے واپس پرانا ائیر پورٹ کے پاس پہنچے تواچانک گاڑی نمبر AFS111 جیپ،گاڑی نمبر ADC663 اور دو عدد نا معلوم گاڑیوں پر تقریبا بیس مسلح افراد نے ہماری گاڑیوں کا راستہ روکا اسلحہ کی نوک پر دھمکیاں دیتے ہوئے زیر حراست ملزم عاصم کو چھڑانے کی کوشش کی اور سرکاری گاڑیوں سے چابیاں نکال کرپولیس اہلکاروں فواد خالد اے ایس آئی اور کا نسٹیبل ہاشم کی وردیاں پھاڑ دیں اور اسلحہ چھیننے کی کوشش کی، نامعلوم مسلح ملزمان نے گن پوائنٹ پر جان سے مارنے کی دھمکیاں دیتے ہوئے پولیس پارٹی کو زدوکوب کر کے ملزم کو چھڑا کر اپنی پرائیویٹ گاڑی میں منتقل کر کے فرار ہو گئے، پولیس نے مقدمہ درج کر لیا