اسلام آباد انٹرنیشنل ایئرپورٹ کی نجکاری کے لیے تقریب

پی اے اے ہیڈ کوارٹرزکراچی میں اسلام آبادانٹرنیشنل ائیرپورٹ کی نجکاری بارے بولی تقریب میں فنانشل پروپوزل، مالی پیشکش کو کھول دیا گیا، پراجیکٹ سکوپ کی 47.25فیصد کنسیشن فیس پی اے اے کو دینے کی پیش کش کی گئی۔

ترجمان پی اے اے کے مطابق اسلام آباد انٹرنیشنل ایئرپورٹ کی نجکاری کے لیے فنانشل بڈ اوپننگ/ مالی بولی کی تقریب پاکستان ائیرپورٹس اتھارٹی ہیڈکوراٹرزکراچی میں ہوئی جہاں ٹی ای آر جی کنسورشیم کی جانب سی7 اکتوبر کو جمع کرائی گئی فنانشل پروپوزل، مالی پیش کش کو کھولا گیا۔انہوں نے بتایا کہ اس مالی پیش کش میں پراجیکٹ سکوپ کا 47.25فیصد کنسیشن فیس پاکستان ایئرپورٹس اتھارٹی کو دینے کی پیش کش کی گئی ہے جبکہ ریفرنس پرسنٹیج 56فیصد مقررتھا۔ترجمان نے کہا کہ یہ پیشکش اب تفصیلی جائزے کیلئے آئی ایف سی جو کہ ٹرانزیکشن ایڈوائزر ہیں کے پاس بھیجی جائیگی۔ترجمان کے مطابق آئی ایف سی اپنی جائزہ رپورٹ 9جنوری 2025ء تک پی اے اے کوپیش کریگا اور کنسیپشن ایوارڈ کرنے کا حتمی فیصلہ پاکستان ائیرپورٹس اتھارٹی کے جائزے اوروفاقی کابینہ کی منظوری کے بعد کیا جائے گا۔

کراچی کی ترقی میں رکاوٹ کو برداشت نہیں کیا جائے گا،مرتضیٰ وہاب

کراچی کی ترقی میں رکاوٹ کو برداشت نہیں کیا جائے گا،مرتضیٰ وہاب

سندھ ،قانون کے باوجود چائلڈ لیبر میں اضافہ کا انکشاف