اسلام آباد: اسلام آباد میں پراپرٹی پر بھاری ٹیکس عائد کردیا گیا جس کا سی ڈی اے نے نوٹیفکیشن جاری کردیا ہے-
باغی ٹی وی : اس حوالے سے سی ڈی اے کی جانب سے جاری نوٹس میں کہا گیا کہ سیکٹرز اور ہاؤسنگ سوسائٹیوں میں پلاٹس پر سالانہ بھاری پراپرٹی ٹیکس عائد کیا گیا ہے، شہزاد ٹاؤن، مارگلہ ٹاؤن اور راول ٹاؤ ن میں 140 سکوائرز یارڈز تک پلاٹس پر 24 ہزار ٹیکس عائد کیا گیا ہے جبکہ 8 کنال تک کے فارم ہاؤ س پر ایک لاکھ 80 ہزار روپے کا پراپرٹی ٹیکس عائد کیا گیا ہے۔
نوٹیفکیشن کے مطابق 90 سے 120 کنال تک فارم ہاوؤ سز پر 4 لاکھ 42 ہزار روپے پراپرٹی ٹیکس ہوگا، بلیو ایریا میں کمرشل پراپرٹیز پر گراؤ نڈ فلور میں پر سکوائر فٹ 32 روپے ٹیکس عائد ہوگا جبکہ بیسمنٹ میں پر سکوائر فٹ 22 روپے، رہائشی اپارٹمنٹ پر سکوائر فٹ 26 روپے ٹیکس عائدہوگا۔
23 مارچ کو پیدا ہونے اور وفات پانے والی چند مشہور شخصیات
نوٹیفکیشن میں کہا گیا ہے کہ پرائیویٹ ہسپتالوں میں پرسکوائر فٹ 22 روپے پراپرٹی ٹیکس عائد ہوگا، پٹرول پمپس اور سی این جی سٹیشنز میں پرسکوائر یارڈ 180 روپے جبکہ مارکیز اور میرج ہالز میں پر سکوائر فٹ 13 روپے پراپرٹی ٹیکس عائد ہوگا۔
