عمران خان کے وکیل کے خلاف درج مقدمات کی تفصیلات طلب

اسلام آباد ہائی کورٹ ،چیئرمین پی ٹی آئی کی لیگل ٹیم کے رکن اور وکیل شیر افضل مروت کی کیسوں کی تفصیلات فراہمی سے متعلق کیس کی سماعت ہوئی

عدالت نے شیر افضل مروت کے خلاف درج مقدمات کی تفصیلات 30 اگست تک طلب کرلیں ،عدالت نے مقدمات کی تفصیلات آنے تک شیر افضل مروت کے خلاف مزید تادیبی کاروائی سے روک دیا عدالت نے فریقین کو نوٹس جاری کرتے ہوئے 30 اگست تک جواب طلب کرلیا

اسلام آباد ہائی کورٹ کے جسٹس ارباب محمد طاہر نے کیس کی سماعت کی،عدالت نے شیر افضل مروت کی درخواست پر اعتراضات دور کردیے ،وکیل شیر افضل مروت ذاتی حیثیت میں عدالت میں پیش ہوئے اور کہا کہ میری درخواست پر بایومیٹرک نہ کرانے کا عتراض تھا ، جسٹس ارباب محمد طاہر نے ریمارکس دیتے ہوئے کہا کہ آپکو بائیو میٹرک کی کیا ضرورت ہے ، وکیل شیر افضل مروت نے کہا کہ درخواست دائر کرنے کے لیے بائیو میٹرک تصدیق لازمی ہوتی ہے ، عدالت نے استفسارکیا کہ آپکو کیس چاہیے کیا درخواست ہے آپکی ، وکیل شیر افضل مروت نے کہا کہ فریقین کے خلاف کیسز کرتے ہیں تو وہ ہراساں کرتے ہیں ،جنھیں فریق بناتے ہیں وہ ہمارے خلاف ہوجاتے ہیں،روزانہ کی بنیاد کیسز بن رہے ہیں،میرے خلاف اٹک میں ایف آئی آر درج کی گئی، عدالت کیسوں کی تفصیلات طلب کرے اور گرفتاری سے روکنے کے احکامات جاری کرے ،

عدالت نے کیسوں کی تفصیلات فراہمی کی درخواست پر نوٹس جاری کرتے ہوئے رپورٹ طلب کرلی ،عدالت نے فریقین کو شیر افضل مروت کے خلاف تادیبی کاروائی سے روکتے ہوئے کیس کی سماعت 30 اگست تک ملتوی کر دی،

آئین پر عمل سے ملک میں سیاسی استحکام آئے گا،شازیہ مری