وفاقی دالحکومت ایک ہی دن پے در پے دو ڈکیتی اور قتل کے واقعات

وفاقی دارلحکومت اسلام آباد میں پے در پے ڈکیتی اور فائرنگ کے واقعات میں اضافہ ایک ہی دن دوسرا بڑا واقع سامنے آیا، کراچی کمپنی کی حدود میں مزاحمت پر ڈاکوؤں کی فائرنگ سے ایک شخص جاں بحق ہوگیا، واقعے کی ویڈیو بھی سامنے آگئی۔ اسلام آباد میں ڈاکوؤں کے پے در پے واروں سے شہری جان سے ہاتھ دھونے لگے ہیں، جی الیون ڈکیتی کے دوران مزاحمت پر پولیس اہلکار کی شہادت کے بعد اب ایک اور واقعہ پیش آیا، جس میں ایک شخص ڈکیتی مزاحمت پر جان گنوا بیٹھا، واقعے کی ویڈیو بھی سامنے آگئی ہے۔ڈکیتی مزاحمت پر شہری کی ہلاکت کا واقعہ تھانہ کراچی کمپنی کی حدود میں پیش آیا، جسے ایک نامعلوم شہری نے کیمرے کی آنکھ سے عکس بند کرلیا۔ ویڈیو میں واضح طور پر دیکھا جاسکتا ہے کہ دو ڈاکو ایک شخص کو گھیر کر اسے لوٹنے کی کوشش کررہے ہیں، اور جب کہ عوام یہ منظر چھپ کر دیکھ رہے ہیں، اور ویڈیو بنانے والا شخص آوازیں لگا رہا ہے پکڑو پکڑو۔ تاہم اس دوران فائرنگ کی آواز گونجتی ہے اور ایک شخص کہتا ہے کہ لڑکے کو گولیاں ماردیں۔