اسلامی تعلیمات ہی باعث نجات

قصور
اسلامی تعلیمات ہی باعث نجات ہیں

قرآنی تعلیمات پر عمل کرکے عروج و بلندی پر پہنچا جا سکتا ہے ہماری قسمت اس کتاب مقدس کے ساتھ وابستہ ہے اگر ہمارا مقدر چمکے گا تو اسی مقدس کتاب کی وجہ سے چمکے گا ان خیالات کا اظہار نمایندہ باغی ٹی وی سے کرتےہوئے ینگ ویلفیئر حقوق و تحفظ سوساٹی قصور کے چیئرمین سردار جاوید عاشق ڈوگر نے کیا ہے انہوں نے کہا کہ بچوں کو قرآن پاک کی تعلیمات دینا اصول اسلام میں سے ہے حضور اکرم صل اللہ علیہ و آلہ و سلم نے پہلے خود تعلیم و تربیت دی اور پھر دوسروں کو تعلیم و تربیت دینے کے لئے منتخب کیا ان منتخب تربیت یافتہ معلمین نے درس و تدریس میں جس مہارت کا ثبوت دیا وہ آپ کی ہمہ گیر تربیت کا ہی نتیجہ ہے جس کے اثرات تاقیامت رہیں گے انہوں نے کہا کہ چھوٹے بچوں اور بچیوں کو قرآن پاک کی تعلیم پر ڈال دینا چاہیے تاکہ ان کا اپنے رب سے اور قرآن پاک کے کلام سے پختہ عقیدہ قائم ہو انہوں نے کہا کہ والدین پانچ وقت کی نماز پابندی سے ادا کریں اور اپنے بچوں کو بھی نماز پڑھنے کی تلقین کریں