ترکیہ کے صدر رجب طیب اردوان نے کہا ہے کہ اسرائیل اپنے اقدامات سے اپنے وجود کو خطرے میں ڈال رہا ہے۔
ترک صدر نے کابینہ کے اجلاس سے خطاب کرتے ہوئے کہا کہ اسرائیل مغرب کی غیر مشروط حمایت کے بل پر ایران پر حملے کرتا ہے، غزہ کو تباہ کرتا ہے اور پورے خطے کے ممالک کو دھمکاتا ہے، لیکن وہ خود نہیں جانتا کہ وہ کیا کر رہا ہے۔ انہوں نے کہا کہ ممکن ہے اسرائیل مستقبل میں اپنی غلطیوں کا احساس کرے، لیکن خدشہ ہے کہ تب تک بہت دیر ہو چکی ہوگی۔
صدر اردوان نے کہا کہ یہ نہیں بھولنا چاہیے کہ اس خطے کا کوئی بھی ملک صرف اپنی سرحدوں اور داخلی معاملات تک محدود نہیں ہے۔ انہوں نے کہا کہ ہزاروں سال پر محیط گہرے تعلقات کی بنیاد پر اس خطے میں ہونے والے واقعات تمام معاشروں پر اثر انداز ہوتے ہیں اور ان کے طویل المدتی نتائج سامنے آتے ہیں۔
انہوں نے مزید کہا کہ فلسطینی عوام اور ان کی سرزمین پر حملہ صرف وہاں کے چند ملین افراد کا معاملہ نہیں ہے، اسی طرح ایرانی عوام اور زمین پر حملہ بھی صرف ایران کا مسئلہ نہیں ہے۔
کمشنر کراچی نے حب کینال میں نہانے اور تیراکی پر مکمل پابندی عائد کر دی
نیتن یاہو نے آیت اللہ خامنہ ای کو نشانہ بنانے کے امکان کو مسترد نہیں کیا
اسحٰق ڈار کا مصری وزیر خارجہ سے رابطہ، ایران اسرائیل کشیدگی پر تشویش کا اظہار
نواز شریف کی اسرائیلی حملے کی مذمت، کہا ایران کے ساتھ کھڑے ہیں
کراچی میں کسٹمز کا چھاپہ، 3 کروڑ مالیت کے بھارتی موبائل فونز اور اشیاء برآمد