ایرانی صدر مسعود پزشکیاں نے دوحا میں عرب و اسلامی سربراہی اجلاس سے خطاب کرتے ہوئے کہا کہ قطر پر اسرائیلی حملہ کھلی دہشت گردی اور بین الاقوامی قوانین کی صریح خلاف ورزی ہے۔
انہوں نے کہا کہ اس حملے کا مقصد غزہ میں نسل کشی رکوانے کی کوششوں کو سبوتاژ کرنا ہے۔ ان کے مطابق اب کوئی بھی ملک اسرائیلی جارحیت سے محفوظ نہیں رہا، اور تل ابیب کو لگام ڈالنے کے لیے مسلم ممالک کا اتحاد ناگزیر ہے۔مسعود پزشکیاں نے زور دیا کہ اسرائیل کے صہیونی رہنماؤں کا محاسبہ ہونا چاہیے، دوحا پر اسرائیلی حملہ سرخ لکیر عبور کرنے کے مترادف ہے۔
اس ہنگامی اجلاس میں سعودی ولی عہد محمد بن سلمان، ترک صدر رجب طیب اردوان، وزیراعظم پاکستان شہباز شریف، امیر قطر شیخ تمیم بن حمد الثانی، مصری صدر عبدالفتاح السیسی اور فلسطینی صدر محمود عباس نے بھی خطاب کیا۔
اسرائیل کا بھوک کو بطور ہتھیار استعمال کرنا گھٹیا حرکت ہے،فلسطینی صدر
فلسطینی صدر محمود عباس نے کہا ہے کہ اسرائیل کا بھوک کو بطور ہتھیار استعمال کرنا گھٹیا حرکت، محاسبہ ناگزیر ہوگیا ہے.
ہنگامی اجلاس سے خطاب میں محمود عباس نے کہا کہ اسرائیلی اقدامات روکنے کےلیے عملی اقدامات کی ضرورت ہے، 1967 کی سرحدوں کے مطابق فلسطینی ریاست کا قیام ہی امن کا راستہ ہے۔انہوں نے کہا کہ قطر پر جارحیت کی شدید الفاظ میں مذمت کرتے ہیں، اسرائیل کا محاسبہ کرنا ناگزیر ہے، امریکا اور سلامتی کونسل اسرائیلی جارحیت اور جرائم رکوائے۔
اسرائیل دنیا کےامن کیلئے سنگین خطرہ بن گیا ہے، مصری صدر
مصری صدر عبدالفتاح السیسی نے کہا ہے کہ اسرائیل عالمی امن کےلیے سنگین خطرہ بن گیا ہے۔
دوحا میں ہنگامی اجلاس سے خطاب میں عبدالفتاح السیسی نے کہا کہ اسرائیل نے دوحا میں حملہ کر کے تمام سرخ لکیریں عبور کرلیں، اسرائیل عالمی امن کےلیے سنگین خطرہ بن گیا ہے۔مصر اہل فلسطین کی جبری بےدخلی کے کسی بھی منصوبے کو سختی سے مسترد کرتا ہے۔اجلاس کے دوران اسلامی تعاون تنظیم (او آئی سی) کے جنرل سیکریٹری نے کہا کہ اسرائیلی مظالم نے تمام حدیں پارکرلی ہیں، اسرائیل کی جانب سے خطے کے ملکوں کو نشانہ بنانا انتہائی خطرناک ہے۔
عراقی وزیراعظم نے کہا کہ اسرائیل کی جارحیت پر عالمی برادری کی خاموشی معنی خیز ہے، یہ دہرا معیار ترک کرنا ہوگا۔
گھوٹکی: آٹے کی قیمت میں 60 روپے فی کلو اضافہ، عوام سڑکوں پر آگئے
گھوٹکی: آٹے کی قیمت میں 60 روپے فی کلو اضافہ، عوام سڑکوں پر آگئے
شیخوپورہ: پاک آرمی لورز موومنٹ معرکۂ حق ریلی و یوتھ کنونشن کا انعقاد
ایشیا کپ 2025: یو اے ای نے عمان کو 42 رنز سے شکست دیدی
