ایران کی پاسدارانِ انقلاب (IRGC) نے اعلان کیا ہے کہ انہوں نے اسرائیل کے دفاعی نظاموں کو کامیابی سے تباہ کر دیا ہے، اور اب صہیونی آبادکاروں کے پاس یا تو پناہ گاہوں میں موت کا سامنا کرنے یا مقبوضہ فلسطینی علاقوں سے فرار ہونے کا راستہ باقی بچا ہے۔
ایرانی خبر رساں ادارے کے مطابق پاسداران انقلاب نے اپنے بیان میں کہا ہے کہ انہوں نے آپریشن ’وعدہ صادق سوم‘ کے بارہویں مرحلے کے آغاز پر اسرائیل کے اندر موجود دفاعی نظاموں کو مؤثر انداز میں نشانہ بنایا ہے۔بیان کے مطابق اب مقبوضہ علاقوں کی فضائی حدود ایرانی ڈرونز اور میزائلوں کے لیے پوری طرح کھلی ہو چکی ہیں۔پاسداران انقلاب نے غیر قانونی اسرائیلی بستیوں کے رہائشیوں کو براہِ راست مخاطب کرتے ہوئے کہا ہے کہ ایرانی میزائل حملوں کا سلسلہ مستقل جاری رہے گا۔
انہوں نے شہید کمانڈر حسین سلامی کے اس وعدے کو یاد دلاتے ہوئے کہا کہ اسرائیل کے مظالم کا بدلہ لینے کے لیے "دوزخ کے دروازے کھول دیے جائیں گے۔”بیان میں مزید کہا گیا کہ یقین رکھیں کہ سائرن کی آواز ایک لمحے کے لیے بھی خاموش نہیں ہوگی، اور آپ کو جلد یا بدیر فیصلہ کرنا ہوگا کہ موت کا سامنا پناہ گاہ میں کریں یا مقبوضہ علاقوں سے راہ فرار اختیار کریں۔
فیلڈ مارشل عاصم منیر اور امریکی صدر ٹرمپ کی وائٹ ہاؤس میں اہم ملاقات
سوشل میڈیا پر پاکستان سے متعلق امریکی جاسوسی کا دعویٰ جھوٹا قرار
اسرائیل کا ایران کے مغرب میں بمباری کا نیا سلسلہ، تہران کے قریب میزائل مرکز تباہ
عالمی سروے: کراچی دنیا کا چوتھا بدترین رہائشی شہر قرار
لیبیا کشتی حادثہ 2025: ایف آئی اے نے مرکزی ملزم کو گرفتار کر لیا