استعفوں کی مہلت دے دی،اسرائیل نا منظور ریلی بھی نکالیں گے،مولانا فضل الرحمان

استعفوں کی مہلت دے دی،اسرائیل نا منظور ریلی بھی نکالیں گے،مولانا فضل الرحمان

باغی ٹی وی کی رپورٹ کے مطابق پی ڈی ایم کے سربراہ مولانا فضل الرحمان نے کہا ہے کہ نوازشریف طبی بنیاد پربیرون ملک گئے ،ہرجماعت میں ایک رضاکارتنظیم ہوتی ہے،

مولانا فضل الرحمان کا کہنا تھا کہ 21جنوری کو ہم کراچی میں اسرائیل نامنظور ریلی نکالیں گے،قانون سب کے لیے برابر ہوتا ہے،ہم تو عوام کیساتھ مل کر حکومت کا خاتمہ کررہےہیں،ہم فلسطینیوں کی آواز بنیں گے،

مولانا فضل الرحمان کا مزید کہنا تھا کہ ہم سب اعتماد کیساتھ مل کرچل رہے ہیں،سب پارٹیاں اکٹھی ہیں،31جنوری تک ہم استعفوں کے لیے مہلت دے رہے ہیں،استعفوں کے بعد لانگ مارچ ہوگا،نیب ادارہ نہیں انتقامی ادارہ ہے،جعلی حکومت سے ہم مذاکرات نہیں کرسکتے،

مولانا فضل الرحمان کا مزید کہنا تھا کہ غداری کا مقدمہ اگر کریں گے تو 72 گھنٹوں میں آپ کی حکومت نہیں رہے گی ،میری جماعت میں ٹوٹ پھوٹ نہیں کانٹھ چانٹھ کا عمل شروع ہوا ہے،تحفظ فراہم کرنے وا لے قانون کا احترام کریں گے، 5 فروری کوکشمیریوں کے ساتھ یوم یکجہتی منائیں گے،ہم کشمیرفروشوں کے خلاف آواز اٹھائیں گے

مولانا فضل الرحمان کا مزید کہنا تھا کہ آخر کب تک ایسا چلے گا کہ ہم پر ایک کٹھ پتلی لا کر بٹھا دیا جائے اور ہم اسکو نشانہ بناتے رہے اب ہمیں کٹھ پتلی کے پشت پناہی کرنے والوں کو بھی عوام کے سامنے لانا ہے، یہ ہمارے لئے باعث شرم ہے کہ ہیلری ڈیپ سٹیٹ کی بات کرے اور مثال پاکستان کی پیش کرے.