’عدالت نہیں جیل جانے کا وقت ہے‘ مریم اورنگزیب کا ردعمل

اسلام آباد:’عدالت نہیں جیل جانے کا وقت ہے‘ مریم اورنگزیب نے ردعمل دیتے ہوئے کہا کہ فارن فنڈڈ فتنے کی گمراہی سے بچیں، وزیر اطلاعات مریم اورنگزیب نے نیوز کانفرنس کرتے ہوئے کہا ہے کہ فارن فنڈڈ فتنے نے ملک کا آئین توڑا ہوا ہے،

میری قوم کے بچوں کو اسکولوں میں سیرت النبیﷺ پڑھانے کی ضرورت ہے،عمران خان

مریم اورنگزیب نے کہا ہے کہ عمران خان یہ وقت عدالت جانے کا نہیں جیل جانے کا ہے،عمران خان پہلے جے آئی ٹی میں جائیں،عمران خان بتائیں کس منہ سے عدالت جارہےہیں،عمران خان کہہ رہے کہ میں عدالت جاوں گا،مریم اورنگزیب کا کہنا تھا کہ عمران خان نے ہمیشہ جھوٹ کا سہارا لیاہےعمران خان خود کہہ رہے ہیں کہ میں نے 5ایم این ایز خرید لیے ہیں،عمران خان پاکستان کا پہلا وزیراعظم ہے جو ریکارڈنگ کو جائز قرار دیتاہے،

مریم اورنگزیب نے کہا کہ عمران خان کل سے کہہ رہا ہے وزیراعظم ہاوس کی آڈیو لیک کے خلاف میں عدالت جا رہا ہوں، عدالت جانے کا کیا مقصد ہے،جے آئی ٹی بن چکی ہے، اب آپ نے وہاں پیش ہونا ہے۔

وفاقی وزیر کا مزید کہنا تھا کہ عمران خان کی آڈیو میں وہ خود کہہ رہے ہیں سائفر کے ساتھ کھیلنا ہے، انہوں نے ملکی مفاد کو داؤ پر لگایا، جب خود وزیراعظم تھے تو کہتے ریکارڈنگ ہونی چاہئے اور اب کہہ رہے میں عدالت جاؤں گا۔

لیگی رہنما نے کہا کہ عمران خان پہلے جے آئی ٹی میں جائیں کیونکہ یہ وقت عدالت جانے کا نہیں بلکہ جیل جانے کا ہے، البتہ اگر ہمارا مقصد سیاسی انتقام ہی ہوتا تو یہ 13 اپریل کو گرفتار ہو جاتے۔