بہن کی عیادت کیلئے جانے والی 5 بہنیں ٹریفک حادثے میں جاںبحق
بلوچستان کے علاقے وندر میں پیش آنے والے ایک افسوسناک ٹریفک حادثے میں پانچ خواتین جاں بحق ہو گئیں۔ ریسکیو ذرائع کے مطابق یہ حادثہ گزشتہ روز اس وقت پیش آیا جب دو گاڑیوں کے درمیان تصادم ہوا۔ حادثے کے نتیجے میں ایک بچی سمیت پانچ خواتین اپنی جانوں سے ہاتھ دھو بیٹھیں۔
مقامی ذرائع نے بتایا کہ جاں بحق ہونے والی خواتین کا تعلق کوئٹہ کی ہزارہ کالونی سے تھا۔ وہ پانچوں خواتین کوئٹہ سے اپنی بہن کی عیادت کے لیے کراچی جا رہی تھیں۔ حادثہ اس وقت پیش آیا جب دونوں گاڑیاں وندر کے علاقے میں آپس میں ٹکرا گئیں۔پولیس ذرائع کا کہنا ہے کہ حادثے میں جاں بحق ہونے والی خواتین کی لاشوں کو ان کے آبائی علاقے کوئٹہ منتقل کیا جائے گا۔ ریسکیو ٹیمیں موقع پر پہنچ کر امدادی کارروائیاں کر رہی ہیں اور تحقیقات کا آغاز کر دیا گیا ہے۔
اسلام آباد ہائیکورٹ، بشریٰ بی بی پیش،ضمانت منسوخی درخواست نمٹا دی گئی
