کراچی میں لوٹ مارکر کرنے والے 3 جعلی کانسٹیبلز کو پولیس نے گرفتار کرلیا۔
میڈیا رپورٹس کے مطابق اس حوالے سے عیدگاہ پولیس کی جانب سے کارروائی عمل میں لائی گئی، اس دوران پکڑے جانے والے 3 جعلی کانسٹیبلز پکڑے گئے، ملزمان کے قبضے سے جعلی پولیس کارڈ، ایک پولیس کیپ، بیرٹ اور موٹرسائیکل برآمد کرلی گئی۔ترجمان پولیس نے بتایا کہ جعلی کانسٹیبلز شہر قائد کے مختلف علاقوں میں گشت کرتے تھے، اس دوران پیٹرولنگ روکے جانے پر ملزمان نے خود کو پولیس اہلکار ظاہر کیا تاہم شک کی بنیاد پر ان کی تھانے منتقلی کے بعد ملزمان کی اصلیت سامنے آئی جس پر انہیں فوری گرفتار کرلیا گیا، تحقیقات کے دوران ملزمان مجرمانہ ریکارڈ یافتہ نکلے۔
دوسری جانب لاہور میں پولیس نے جعلی نکاح کے بعد دلہن کے روپ میں لوٹنے والے 4 رکنی ڈکیت گینگ کو گرفتار کرلیا، یہ گرفتاریاں پنجاب میں جرائم پیشہ عناصر کے خلاف جاری کریک ڈاؤن کے دوران کی گئیں، اس سلسلے میں آرگنائزڈکرائم یونٹ ڈیفنس نے ایک کارروائی میں دلہن کے روپ میں شہریوں کو لوٹنے والا 4 رکنی ڈکیت گینگ گرفتار کیا، کارروائی کے دوران جعلی دلہن اور نکاح خواں کو بھی گرفتار کیا گیا۔
بتایا گیا ہے کہ ملزمان میں ساجد بشیر، محمد نعیم، مقدس بی بی اور اللہ رکھی شامل ہیں، جن میں سے ایک ان کا سرغنہ ہے، ملزمان جعلی نکاح کرواتے اور گھر والوں کو یرغمال بنا کر واردات کرکے فرار ہو جاتے تھے، گرفتار ملزمان نے تحقیقات کے دوران متعدد وارداتوں کا انکشاف کیا، ملزمان سے لاکھوں روپے نقدی، طلائی زیورات اور دلہن ڈریس برآمد ہوئے، ان ملزمان کو پیشہ ورانہ صلاحیتوں اور پبلک ریلیشن شپ کی مدد سے گرفتار کیا گیا، جن سے مزید تفتیش جاری ہے۔
آئی سی سی کا چیمپیئنز ٹرافی کیلئے میچ آفیشلز کا اعلان
موٹروے سے اسلحہ اسمگلنگ کی کوشش ، چار ملزمان گرفتار
