جب تک ہم یہ کام نہیں کرینگے ملک کو غربت سے نہیں نکال سکتے،وزیراعظم
باغی ٹی وی کی رپورٹ کے مطابق وزیراعظم عمران خان نے سیالکوٹ میں تقریب سے خطاب کرتے ہوئے کہا ہے کہ سیالکوٹ میں بزنس کمیونٹی سے ملنے آیا ہوں ،
وزیراعظم عمران خان کا کہنا تھا کہ آنے والے دنوں میں سیالکوٹ ایکسپورٹرز کا سینٹر بن جائیگا،سیالکوٹ نے خود پیسے جمع کرکے شاندار ایئر پورٹ بنایا،ایئر سیال سے سیالکوٹ اور پاکستان کو فائدہ ہوگا،کورونا کے دوران مشکلات کا سامنا تھا،کورونا کی پہلی لہر کے دوران عوام نے تعاون کیا،
وزیراعظم عمران خان کا مزید کہنا تھا کہ اپوزیشن تنقید کررہی تھی کہ میں مکمل لاک ڈاوَن نہیں کررہا،آج وہی اپوزیشن کورورنا کی دوسری لہر کے دوران جلسے کررہی ہے،امریکہ میں بہت تیزی سے کورونا وائرس پھیل رہا ہے،اگر احتیاطی تدابیر پر عمل کیا تو اپنی انڈسٹری اور لوگوں کو بچاسکتے ہیں،ماسک کے استعمال سے کورونا وبا سے بچا جاسکتا ہے
وزیراعظم عمران خان کا مزید کہنا تھا کہ 60 کی دہائی میں پاکستانی تیزی سے ترقی کررہا تھا،ہم نے بزنس کمیونٹی کی رکاوٹیں دور کرنی ہیں،جو علاقے پیچھے رہ گئے ہیں ان پر خاص توجہ دی جائے،گلگت بلتستان،فاٹا اور بلوچستان پیچھے رہ گیا ہے،ڈی جی خان کے قبائلی علاقے سب سے پیچھے رہ گئے ہیں ،وہ ملک ترقی نہیں کرسکتا جہاں چھوٹا سا طبقہ امیر اور باقی غریب ہوں ،چین نے 70 کروڑ لوگوں کو غربت سے نکالا،چین سی پیک کے ذریعے اپنے مغربی چین کو اوپر اٹھانا چاہتا ہے،پاکستان کا سب سے بڑا مسئلہ یہ ہے کہ زرمبادلہ ذخائر نہیں ہیں،
وزیراعظم عمران خان کا مزید کہنا تھا کہ احساس پروگرام پاکستان کی تاریخ کا سب سے بڑا پروگرام ہے،جب تک ہمارے ملک کی دولت نہیں بڑھے گی ملک کو غربت سے نہیں نکال سکتے،انڈسٹریلائزیشن کے ذریعے ملک کو اوپر اٹھائیں گے،ہم نے اپنی ایکسپورٹس میں اضافہ کرنا ہے،سیالکوٹ میں اسٹیٹ آف دی آرٹ یونیورسٹی بنا رہے ہیں،
قبل ازیں وزیر اعظم عمران خان سیالکوٹ پہنچ گئے ہیں،معاون خصوصی عثمان ڈارسمیت وفاقی وزراکی ٹیم بھی وزیراعظم کے ہمراہ ہے،وزیر اعظم کے ہمراہ وفاقی وزیر غلام سرور خان اور حماد اظہر بھی ہیں ،وزیر اعظم عمران خان نے سیالکوٹ میں ائیر سیال کا افتتاح کردیا،وزیراعلیٰ پنجاب عثمان بزدار بھی سیالکوٹ پہنچ چکے ہیں اور تقریب میں وزیراعظم عمران خان کے ہمراہ ہیں
