نومئی واقعہ، جیل سے رہا ہونے والے ملزمان پھر گرفتار

نو مئی کے مقدمے میں اڈیالہ جیل سے رہا ہونے والے ملزمان کو پھر گرفتار کر لیا گیا

سپریم کورٹ نے نو مئی کے مقدمے کے ملزمان کی ضمانت منظور کی تھی، پانچ ملزمان کو رہا کیا گیا تو انہیں دوبارہ گرفتار کر لیا گیا،پولیس حکام کے مطابق رہا ہونے والے ملزمان کو 16 ایم پی او کے احکامات کے تحت گرفتار کیا گیا ہے، ڈی سی راولپنڈی نے ایم پی او کے تحت احکامات جاری کئے ہیں،پانچوں گرفتار ملزمان کے خلاف تھانہ نیو ٹاؤن میں 9 مئی کا مقدمہ درج ہے۔

سپریم کورٹ نے 20 مارچ کو ملزمان کی ضمانت منظور کی تھی اور ملزمان کو انسداد دہشت گردی عدالت میں مچلکے جمع کرانے کے بعد گزشتہ رات اڈیالہ جیل سے رہا کیا گیا تھا،

واضح رہے کہ نو مئی کو عمران خان کی گرفتاری کے بعد پی ٹی آئی کارکنان نے ملک بھر میں جلاؤ گھیراؤ کیا تھا، عسکری تنصیات پر حملے کئے تھے، منظم منصوبہ بندی کے تحت شہدا کی یادگاروں کو نشانہ بنایا گیا تھا