لیہ(باغی ٹی وی) جعلی پیر نے خاتون کے پاؤں جلا ڈالے، ملزم گرفتار
تفصیل کے مطابق ضلع لیہ میں ایک جعلی پیر نے خاتون کو جن نکالنے کے بہانے جلادیا، جس کے نتیجے میں اس کے دونوں پاؤں بری طرح جھلس گئے۔ یہ واقعہ تھانہ کوٹ سلطان کی حدود میں پیش آیا، جہاں ملزم اعجاز نے رقیہ بی بی کو جلتے ہوئے کوئلوں کی کڑاہی میں کھڑا کر دیا۔
خاتون کے اہل خانہ کا کہنا تھا کہ جعلی پیر نے علاج کے بہانے اس پر یہ تشدد کیا۔ ریکسیو حکام نے خاتون کو فوری طور پر طبی امداد فراہم کرتے ہوئے تحصیل ہسپتال کوٹ سلطان منتقل کر دیا۔
پولیس نے ڈی پی او محمد علی وسیم کی ہدایات کے تحت ملزم کو گرفتار کرنے کے لیے فوری کارروائی کی۔ ملزم کے خلاف مقدمہ نمبر 873/24 تھانہ کوٹ سلطان درج کر لیا گیا ہے۔
ایس ایچ او تھانہ کوٹ سلطان اور ان کی ٹیم کو بروقت کارروائی کرنے پر ڈی پی او نے شاباش دیتے ہوئے نقد انعام کا اعلان کیا۔
