لاہور جلسہ کی اجازت نہ ملنے پر عمران خان نے "پلان بی” بتا دیا

سابق وزیراعظم عمران خان نے اڈیالہ جیل میں صحافیوں سے غیر رسمی بات چیت کرتے ہوئے کہا ہے کہ لاہور میں جلسے کی اجازت نہ دی گئی تو جلسے کو احتجاج میں بدل دیں گے، لاہور میں ڈیڑھ سال سے جلسہ نہیں کرنے دیا جا رہا،

عمران خان کا کہنا تھا کہ جمہوریت تباہ کرنے کا مطلب آزادی ختم کرنا ہوتا ہے،جلسہ کرنا ہمارا آئینی حق ہے،سپریم کورٹ جمہوریت اور آزادی کو بچانے کے لیے مینار پاکستان پر جلسہ ہوگا، الیکشن سے پہلے بھی جلسہ نہیں کرنے دیا گیا اور اب بھی روکا جا رہا ہے،اسٹیبلشمنٹ نے اسلام آباد کا جلسہ کرنے کی گارنٹی دی تھی،پاکستان کا حوالہ دیا گیا جس پر ہم نے جلسہ ملتوی کیا،گارنٹی کے باوجود اسلام اباد کے جلسے میں کنٹینرز لگائے گئے رکاوٹیں کھڑی کی گئیں، دنیا میں کیا کبھی کسی نے جلسہ ختم کرنے کا وقت دیا ہے،اسلام آباد کے جلسے سے متعلق ہمارے ساتھ دھوکہ کیا گیا،لاہور کے ڈپٹی کمشنر نے اگر جلسے کی اجازت نہ دی تو مینار پاکستان پر احتجاج کریں گے، ملک کی تاریخ میں پہلی حکومت ہے جو ننگی ہو کر اتنی بے نقاب ہوئی ہے،یہ جمہوریت کی تباہی کر رہے ہیں،مشرف کے مارشل لاء دور میں بھی ایسا نہیں تھا جو اب کیا جارہا ہے،مشرف کا الیکشن انکے مقابلے میں فری اینڈ فیئر تھا،مشرف نے بھی میڈیا اور جلسوں پر پابندی نہیں لگائی،انکی جو بھی درخواستیں وہ سنی جارہی ہیں اور ہماری مسترد ہو رہی ہیں،الیکشن ایڈمنسٹریٹو عمل ہوتا ہے،کمشنر پنڈی نے جو کہا وہ درست ثابت ہوا،کمشنر کے بیان پر تفتیش تو ہونا چاہیئے تھی یہ بھی ہو سکتا ہے وہ غلط ہو،یہ نہیں ہونا چاہیئے کہ کمشنر کے بیان کی تحقیقات کے بجائے اسے غائب کر دیا جائے،

عمران خان کا مزید کہنا تھا کہ قاضی فائز عیسیٰ آئینی ترامیم کا براہ راست بینفشری ہے،وہ توسیع چاہتا ہے،قاضی فائز عیسیٰ الیکشن کا ہر کیس اپنے پاس لے لیتا ہے،قاضی فائز عیسیٰ کی بیوی نے میرے خلاف بیان دیا اسکو تو ہمارے کیسز سے خود کو الگ کر لینا چاہئے، آج لکیر کے ایک طرف جمہوریت ،ووٹ کو عزت دینے والے اور دوسری طرف بوٹ کو عزت دینے والے ہیں ،8فروری کے الیکشن میں انکی ضمانتیں ضبط ہوئی تھیں،فراڈ کو کور کرنے کیلئے 4ایمپائرزکو ساتھ ملا کر یہ سب کیا جارہا ہے،جلسے سے روکا گیا تو مینار پاکستان پر پوری قوم احتجاج کرے گی، حمودالرحمان کمیشن رپورٹ کی بات اس لئے کرتا ہوں کیونکہ آج بھی ملک میں وہی حالات ہیں،ملک کے یہ حالات مشرف اور ضیاء الحق کے دور میں بھی نہیں تھے،اس وقت بھی پورا مشرقی پاکستان مجیب کے ساتھ کھڑا تھا،یحیی خان نے اپنی ذات اور اقتدار کیلئے مجیب کے خلاف ایکشن لیا،8 فروری کے الیکشن میں واضح ہو گیا تھا کہ قوم کہان کھڑی ہے ،قوم ایک طرف کھڑی ہے اور چھوٹا سا صاحب اقتدار طبقہ جمہوریت اور سپریم کورٹ کو اپنے اقتدار کیلئے تباہ کررہے ہیں،

لاہور جلسہ،پی ٹی آئی اجازت کی منتظر،علی امین گنڈاپور کی حکمت عملی تیار

اجازت دیں یا نہ دیں ہم جلسہ کریں گے،شعیب شاہین

پی ٹی آئی کا لاہور جلسہ روکنے کے لیے لاہور ہائیکورٹ میں درخواست

ہم پر کربلا بنا دیں جلسہ تو ہر صورت کریں گے،علیمہ خان