ہم پر کربلا بنا دیں جلسہ تو ہر صورت کریں گے،علیمہ خان

سابق وزیراعظم عمران خان کی بہن علیمہ خان نے میڈیا سے بات کرتے ہوئے کہا ہے کہ عمران خان کی فیملی سب سے آگے ہو گی، ہم مریں گے ، ہم پر کربلا بنا دیں ہم تیار ہیں ہم گولیاں بھی کھائیں گے ہم آنسو گیس کی شیلنگ بھی برداشت کریں گے ہم کنٹینرز اٹھا کر پھینک دیں گے لیکن جلسہ ہر صورت کریں گے۔

علیمہ خان کا کہنا تھا کہ سپریم کورٹ کو عوام نے بچانا ہے، یہ ہمیں کبھی بھی ملٹری کورٹ میں لے جائیں گے،مارے بہت سے لوگ ملٹری جیل میں ہیں، ہمارا بھانجا بھی ملٹری جیل میں ہے،کسی کو معلوم نہیں کہ ان کو کب اور کتنی سزا ہو جائے گی، اب یہ قانون لانا چاہتے ہیں کسی کو بھی اٹھا کر لے جائیں،ایسے لگ رہا ہے کہ جج نے جلد بانی پی ٹی آئی کو سزا دینی ہے،21 تاریخ کو جلسے کے لئے ہم تیار ہیں، سب سے آگے فیملی ہوگی، ہمارے بچے بھی ساتھ ہوں گے، جیل میں ڈالیں اس کے لئے ہم تیار ہیں، لاہور بھی تیار ہیں، ہم لاہور میں نکلیں گے ہم رکاوٹیں ہٹائیں گے لیکن مینار پاکستان پر امن احتجاج کے لئے پہنچیں گے، مریم نواز ناجائز سیٹ پر بیٹھی ہوئی ہے، انہوں نے اپنے کیسز میں ڈیل کی ہے، ان کو لوگوں سے ڈرنا چاہئے، لوگوں کو مشکل میں نہ ڈالیں یہ نہ ہو کہ اس کے نتائج برداشت نہ کر سکیں، عمران خان نے کہا کہ 15 ماہ سے میں جیل میں بیٹھا ہوں، پارٹی والے بھی جیل میں رہ سکتے ہیں، 21 تاریخ کو عمران خان اگلی کال دیں گے،

اجازت دیں یا نہ دیں ہم جلسہ کریں گے،شعیب شاہین

پی ٹی آئی کا لاہور جلسہ روکنے کے لیے لاہور ہائیکورٹ میں درخواست

دوسری جانب تحریک انصاف کے لاہور جلسے کو لے کر پی ٹی آئی رہنماؤں کے گھروں پر چھاپوں کا سلسلہ بھی جاری ہے، پولیس نے پنجاب اسمبلی میں پی ٹی آئی کے پارلیمانی لیڈر علی امتیاز وڑائچ کو گرفتارکیا تھا، علی امتیاز وڑائچ 2 گھنٹے پولیس کی حراست میں رہے جس کے بعد پولیس نے انہیں رہا کر دیا،پولیس نے پی ٹی آئی رہنما عالیہ حمزہ کے گھر بھی چھاپہ مارا، جس پر عالیہ حمزہ کا کہنا تھا کہ 16 ماہ پابند سلاسل رہنے کے باوجود پولیس نے میرے گھر ریڈ کیا، تین تھانوں کی پولیس نے میرے گھر پر آدھی رات کو ریڈ کیا، پولیس نے میرے گھر کی تلاشی لی۔فلک جاوید کے والد کو بھی گزشتہ شب رات میں حراست میں لے لیا گیا.