جمرود میں ٹریفک اہلکار رہزن اور ڈاکو بن گیے، ڈرایور پر سخت جسمانی تشدد کیا
باغی ٹی وی رپورٹ جمرود ٹریفک پولیس نے میرے ساتھ ظلم کیا مجھ پر بلا وجہ تشدد کیا ،اعلی حکام ایکشن لے. رحمان زیب آفریدی اور سمیع اللہ آفریدی
لنڈی کوتل پریس کلب میں پریس کانفرنس سے خطاب کرتے ہوئے رحمان زیب آفریدی سلطان خیل اور سمیع اللہ آفریدی نے کہا کہ جمرود شاہ کس میں ٹریفک پولیس نے اشارہ دیا اور روکتے ہی مجھ پر وحشیانہ تشدد کیا اور گاڑی سے گرایا اور مارا پیٹا جس کے نتیجے میں مجھے سخت تکلیف و دکھ پہنچا
انہوں نے کہا کہ میں چالیس سال سے ٹرانسپورٹ سے وابستہ ہوں اور میرے ساتھ گاڑی کے مکمل دستاویزات بمع جمع شدہ ٹیکس ٹوکن اور ڈرائیونگ میں توصیفی سند بھی حاصل ہے میں کیوں ٹریفک قوانین کی خلاف ورزی کروں گا
انہوں نے ڈی پی خیبر اور متعلقہ حکام سے اپیل کی کہ مذکورہ ٹریفک اہلکار کے خلاف جلد قانونی کارروائی کریں بصورت دیگر اپنے بچوں اور خاندان سمیت احتجاج شروع کروں گا اور پاک افغان شاہراہ کو بند کردینگے
