جمرود:ضلعی ریٹرننگ آفیسر کا ضمنی الیکشن کے حوالے سے اجلاس

جمرود(باغی ٹی وی رپورٹ)ضلعی ریٹرننگ آفیسر/ڈپٹی کمشنر خیبر، کیپٹن (ر) ثناء اللہ خان کی زیر صدارت تحصیل جمرود ضمنی الیکشن کے حوالے سے ایک اہم اجلاس منعقد ہوا۔

اس اجلاس میں ضلعی انتظامیہ کے مختلف محکموں کے افسران نے شرکت کی جس میں ایڈیشنل ڈپٹی کمشنر (جنرل)، ریجنل و ضلعی الیکشن کمشنر، اسسٹنٹ کمشنر جمرود، محکمہ صحت، ریسکیو 1122، محکمہ تعلیم، محکمہ بلدیات اور سیکورٹی اداروں کے ضلعی افسران شامل تھے۔

اجلاس میں ضمنی انتخابات 2024 کے حوالے سے انتظامات، پولنگ اسٹیشنز کی صورتحال، درپیش چیلنجز، عملے کی تربیت اور دیگر امور کے حوالے سے تفصیلی بریفنگ دی گئی۔

اس اجلاس کا مقصد ضمنی انتخابات کو آزادانہ، منصفانہ اور شفاف طریقے سے کروانے کے لیے تمام ضروری اقدامات کرنا تھا۔ ضلعی انتظامیہ نے یقین دلایا ہے کہ وہ انتخابات کو کامیاب بنانے کے لیے ہر ممکن کوشش کرے گی۔