جمرود(باغی ٹی وی رپورٹ) ٹیکسی ڈرائیور سے اسلحے کی نوک پر موٹر کار چھین لی
تفصیل کے مطابق جمرود میں چوری اور رہزنی کی واردات میں ٹیکسی ڈرائیور کو اسلحے کی نوک پر لوٹ لیا گیا، نامعلوم ملزمان گاڑی، نقدی اور موبائل چھین کر فرار ہو گئے۔
گذشتہ روزشام 7 بجے جمرود بازار کے ٹیکسی اسٹینڈ پر ایک نامعلوم شخص نے ٹیکسی ڈرائیور کو ورمنڈو میلہ تبی کے مقام پر سواری کے لیے بک کیا۔ واپسی پر مذکورہ مقام پر نامعلوم چوروں نے سڑک پر پتھر رکھ کر راستہ بلاک کر دیا۔ ڈرائیور کو روک کر اسلحہ تان لیا اورآلٹو گاڑی، نقد رقم اور موبائل فون چھین کر فرار ہو گئے۔
متاثرہ ٹیکسی ڈرائیورعزیز نے تھانے میں مقدمہ درج کروا دیا ہے۔ پولیس نے واقعے کا نوٹس لے کر تحقیقات کا آغاز کر دیا ہے۔ علاقے میں بڑھتی ہوئی چوری اور رہزنی کی وارداتوں پر عوام نے تشویش کا اظہار کیا ہے اور مجرموں کو جلد گرفتار کرنے کا مطالبہ کیا ہے۔
